Galoi mung teng man ai majan, lu gin ai
majan, tara ai majan, shinggyin ahkaw ahkang majan, annau ni lamu ga de
tawt lai shang gabye tara n’lang dik ai mung maden gumshem hpyen hte
gasat ai majan gaw teng galoi mung awng padang dip la lu na re.
Gumshem hpyen tara n’lang ai hpyen,
chyasam hpyen, mung maden sawa hpyen hpe annau ni galoi mung asum jaw na
n’re. Hpyimaw Gawlang, Kum Hpang, Mungmau, Sak Hkung mungdaw kaw na
hpang ai majan gaw awmdawm shanglawt n’lu dingsa galoi mung gasat na re.
Ji woi jiwa ni a asak du baw law law arang bang tawn sai.
Annau ni myen ni a lamu ga de sa shang
majan je ai, sa gasat ai, sa roi sa zingri, numma roi sat, mare nat,
dusat yam-nga lu malu yawng myala gashun la kau ya ai n’re. Ngwi pyaw
tsawm htap dik ai annau ni a lamu ga hpe madaw dasang jahten ya ai. Si
mani san seng hpraw tsawm dik ai annau ni dinghkrai myit masin shim lam
hpe dingbai dingna jaw ai, dinghku hka bra
hkra dasang galaw ai. Mare brun, jahkrai tai hkra, matsan grit nyem dik
ai myu tai hkra myu shamyit ai. Matse labye sawa hpyen gumshem hpe
kachyi mi pyi nmai tawn ai. N’mai shayawm ya ai. Lagaw katsing, ta
katsing ni hpe ten naw lu yang rau myit hkrum ai hte ya jang gawt
shapyen shaden kau saga. Lagaw lata yawng daw kau ya ga.
Mungkan mungdan shagu mung madi madun
ninghkap garu nga sai. Myen mung ladat hkum hkra hte gasat shamyit nga
sai ten, n mai hting-nut ya ai hte, n’dai daram re kaw na myit n’tsam,
myit n’gut dik ai hte lai di kau lu jang gaw mahtai kaba lu na re zawn,
awng padang kaba dip la lu ai hte annau ni myit mada dik ai mung masa
num shawn gaw annau ni ra ai hku, annau ni tsun ai hku myit mada ai hte
maren byin na re.
N’gun kaba ai Miwa, Kala mungdan
lahkawng kaw n’na, garum madi shadaw laknak hkum hkum, hpaji hkum hkum
jaw ya tim ya dai ni du annau ni hpa shi n’shi ya ai hpe mu n’na, myen
gaw jit si she kahte, shagri brep nga sai re hte, nga mang chya-yet la
sha ai langda Kala she mau mahka sai. Wa si mang hkyi du hkra n’law ai
Miwa mung sinda dum n’na, yawn madai mau mahka nga sai. Annau ni hpa
hkrit tsang ra na rai ta? Chyahtum chyalai dang di lu ai Karai gaw annau
ni a kraw kata kaw annau ni hte rau sak hkrung nga ai re hpe dum ga.
Dum dat ai hte rau nang hkrai hkrung ai n’rai, chyi n’ma, hpri n’pra,
Karai Kasang gaw na kata kaw nang hte rau hkrung nga ai re jaw, n’dai
majan hpe na lata hta ap ya sai.
Awngdang na lam yawng gaw annau ni a lata hta du nga sai, chyeju shakawn n’na ta tut shawng de gwi gwi sit sa ga.
Baren Numraw