Chyeju Shakawn

Myitrum manang ni, “ Chyeju Shakawn” ngu ai  Ga shagawp gawp dat ai yaw. LZ ntsa e mana de 3:00 – 5:00 PM ten nbungli bai gayin du ai. Hpunpyenbum de aging gasat hkat ai. Helicopter 2, Jet 3 lang ma ai da; mahtai kaning rai sai n chye shi ai. M ni lawu ga na MKA e grai bai kahtap du taw ai. Gasat anin nna lu la ai shara shagu M hpyenla marai 50 shi dung mat wa na hku plan nga malu ai da. Anhte Padang dip lu hkra kyu aja awa hpyi nga ga ai; Myitrum manang ni yawng mung hpyi dum nga na re ngu kam ai oi.

            Bai, MKA de Jinghpawma ni hpe n tsen na zawn re mu jang si hkra kayet sat kau ai marai 2 rai sai lam na lu ai. Ya hte Shaning Nnan shana Jinghpawma 10 mat nna, pyada dap de sa san yang, Tsi Rung si gawk de sa yu mu ngu ma ai da. Gaja wa sa yu yang, sinat ningma kap ai Jinghpawma mang 4 hpe si gawk e sa mu ma ai lam mung na lu ai.

            Maroi nni let,                                

                                      JIC

+++++++++++++++++

Chyeju Shakawn

Iya chyeju Madu,

Atsam Ningja Daju;

Mauhpa Chyeju jaw ya,

Wunpawngsha ni a ntsa;

Nnan e tsun tim n kam,

Kadai mung amyit n sham;

Ya kadai n ningdang,

Karai Wa a Hpungshingkang;

Sakse pyi n dang hti sai,

Myawk kaba ni gap bun ai;

Minit shagu bom sharut,

Hangkaibum na n dinghprut;

Shata ’hkawng she jan mat wa,

Zim n chye nga hpyen manya;

Shani shana tsa lam gap,

Gumhpawn dat yang – mun lam rap;

Lama “Wa” n garum taw!

Laiza hkat ram mat sai law!

Wa Karai n kabai da,

Wunpawngsha hpe makawp la;

I gingdan n rai tim,

Matsan dumshai myit n zim;

Chyeju dum masin myiprwi,

Nhtung hkayan zawn she lwi;

Matut nna makawp rit,

Chyeju shakawn ga oi…… sit.

Shanglawt Tsing

(8.1.2013,