ကဗ်ာမဟုတ္ေသာ မွတ္တမ္း

           Myitrum manang ni, Chang Ying hpe myit dum ai M laika ginjup langai bai shagun dat ai yaw. Mani hpawt 3:00AM kaw na Hpunpyen bum lagaw hpe M ni aging bai htim gasat ma ai. Dai kaw gasat ai 3 ya rai sai. Shani tup jipmi jipmak gasat hkat ma ai rai yang, bum lagaw na post kaji (Lakangbum) hpe yen kau ra mat ai. Dai yen kau ai post kaji kaw M ni shanhte a dawnghkawn jun kau dat ai hte nbungli sa wa ai. Nbungli hte sa gap ai lam n nga ai majaw, Lu ntsin hte lusha ni sa sa ai lam tak la lu ai. Dai kaw hka grai yak ai. Dai post kaji gasat poi hta M ni 60 jan si ai, KIA 2 apnawng mat wa ai lam chye lu ai. Daina de daw gaw n madawm ai Hkaya bum de nbungli 3 hte bai gayin gap bun ai lam chye lu ai. KIA hpyenma ni tsun ai. 155MM myawk kaba hpe hkrit dik ai. Dai myawk kapaw jang tinang kaw n hkra tim nbung kaw grai manam ai marawp hkrup chye ai. Shaloi grai kahtet n dang hkam wa ai hte, hpun palawng raw kau mayu wa ai. Hpun palawng n kap jang gaw, hkum ting kya noi gumba wa ai nga ma ai. Hkam jan lu na akyu hpyi dum ga lu oi. “ Anhte a Awng Padang, Yehowa Karai Kasang” rai nga u ga law!

JIC