Awm Dawm Masa

Hkawp Hkungga ai Magam Gun ni,

Ngai sumtsan hkawm ai kaw nna lu la ai mahkrum madup ni hpe ga shagawp
hku nna sha gun da ya sai yaw. Ngai mung bai hkawm ra na kun, n hkawm
ra na kun atsawm n chye shi ai majaw re yaw. Karai Kasang shaman ya u
ga.

                            Awm Dawm Masa

Laiza makau grup yin hta, Hpyen nbungli ni pyen shaja,
Prat dep jak rung jak rai hte, Hpyen nbungli ni yawng hpe,
Gap kapaw jahkrat kau lu na, ninghkring share ni ladat shaw sa,
Prat dep jak bawnu hte shakri, Myu tsaw ningbaw ni a hpaji,
Mungchying sha ni gaw kyu hpyi, shani shana Rosary hti,
Hpyen luk suk ni htu lung wa, sa wa si na ni teng sha,
Raitim, nam hpum tai ya nga, hpun kawa nam maling kata,
Majan ndai ten galu, tsang hpa re ai masa ningmu,
Majan ndai hpe awng dang hkra, kyu hpyi shaja let gasat sa ra,
Awm dawm masa de hkwam sa wa, teng sha nang ngai kam hpa ra,
Wunpawng Mungdan lu ai shaloi, rap ra tara hte san jep joi,
Myu hpung n gin hka up hkang ga, myit hkrum myit ra jawm shakut ga,
Karai Kasang kaw ap nawng da, sa li wun li jawm hkawm la..
By : Peter