Mani ( 12-2-013) ya shani, Lidu modo lam, Wa Ra
Zup mare makau, Yuzana Company wang kata na Sinat kaba hte machyu pala
ni hpe Jahtu Zup kaw (297) Dap de modo hte htaw lahka htawt bang tawn da
ai lam shiga na.
Tai hpyen n-gun (200) daram mani, (12-2-013) ya shani, Myitkyina
maga kawn Danai (D.K.Ts) de shinggan hkring bu hpun nna, Cycle (carry)
hte du lung wa ai lam, mi chyaw mu ai Danai Buga masha ni tsun pru ai
lam shiga na lu ai.
Ndai lam ni hpe maram yu yang, tai hpyen ni gaw maga mi de Simsa
lam Ku (saboi) galaw lajang da jahpai nna, Hpyen gasat gala lam hpe laja
lana tau hkyen shajin nga ai lam mu maram lu ai.
Laiwa sai nhtoi 11-2-013 ya shani, hkying 1:45 pm ten, tinang Dap
Dung (14) MHH ni sin nga ai Nam Sai Post shara hpe mung, Tatma (33) npu,
(297) (298) (318) pawng hpawm dap ni n-gun (200) jan laba ka-up
akajawng sha wa htim gap ai majaw Dai post shara hpe yen kau da ra mat
ai lam ni byin nga ai.
Ya ten tai hpyen n-gun (300) daram Hpakan Ginwang ( Dung -6) hte
Hugawng Ginwang ( Dung-14) ginra lapran na, Loi Mye Bum lagaw, Hkada Hka
hte Shayit Hka graup yin kaw shamu shamawt rai nga ai lam hpe mung na
chye lu ai.
ndai lam ni hpe maram yu yang, Tai Hpyen wa gaw anhte Jinghpaw Mungdaw a Simsa lam hpe teng sha jaw na n-re,
maga mi de masu magaw tsun shaga da nna, tinang KIA,KIO uphkang ginra
shara shagu de hpyen n-gun jat, laja lana re majan shabyin na hkyen
lajang taw nga ai lam hpe mu chye maram lu nga ai.
