Yak ai

Myitrum manang ni, “Yak Ai”ngu ai Ga shagawp shangun dat ai yaw. 17.9.2012 manap jau jau, yahte tup up nga ai M ni Laja-yang, Lungrawk ntsa de lung yan shang mat masai. Jahpawt daw gap hkat ai shaloi, Jawngma dap na hpyenla langai si ai lam na lu ai. Mani tup, Ginjaw shim lam dap kaw na, dai Lungrawk kawng M post de KRL hte gap bang bu nga ai. N awng hkraw ai nga, Hpa-awn ni tsun ma ai hpe, kyu hpyi nna gap bang mu ngu, n-gun jawm jaw nga ga ai. Myitrum manang ni yawng mung, KK bai garum la rit ga; kyu hpyi garum ga oi. Ginjaw makau yep sha re majaw, grai tsang ra ai.

Myit tsang let yawng hpe shana ai,
Yak Ai

Anhte Wunpawng sha ni wa,

Shaning 60 jan mat hkra;

Mayam tai mat ai majaw,

Mayam bat wa n wai hkraw;

Myen hpang de chyu lawm mayu,

Uhku m’sa si sin na chyu;

Tinang myu hpe yu kaji,

Shatan nhkan nau hkum di;

I wa- ga hkang hkang majaw,

Tsasam ni wa – grau roi taw;

Myusha lam – yan myit na m’lai,

Tsadan hpe chyu hkum ahkrai;

“KIA myawk mung n lu,

Tank – car, n bungli n mu;”

Hkum tak kaji Myen mayam,

K’rai hpe kam ga I – Magam;

Mayam myit hpe shaw kabai,

Magam myit she hta bang mai;

Dai n rai yang – yak na oi,

Tinang amyu hkum jahpoi;

Kahkyin gumdin myit masin,

Yak ai myit hpe hkum anin;

“ Nye a kandang hpai loi ai,”

Yesu tsun ai ga ndai;

Kahkyin gumdin yang hpai loi,

Myit hkrum mang rum ga lu oi………..

Shanglawt Tsing

(18.9.2013, 2:00AM)

JIC