Ya ten MKA na sat lawat chyan shana dat ai

Mka kawn Miwa phone n mai shaga mat ai masum ya rai sai. Myen net ni
mahkra mung n mai hpaw mat sai. Ndai Huawei net pyi 24hrs n mai hpaw
mat ai kaw na ya tsam mari bai lu hpaw ai she re. Myen hte Miwa hpa wa
lagu hkyen nga ma ai kun? Yawng sumru let maja nga ga ai. Myen phone
ni chyawm gaw, naw mai lang ai. Mka-Shanzu Mali hka kau kaw na shawoi
Miwa phone asan sha mai shaga ai shara, ya n mai mat nga sai. Galoi
bai lu na n chye ai. Jinghpaw Kasa, Mizzima, Irrawaddy hkan e Jinghpaw
ni hti na majan shiga nnan mung n pru ai tsawmra na mat sai. Sept. (8)
ya shani Gen. Soe Win gaw, Mka kawn Namti, dumbang, Jahtuzup, Danai
hkan e helicopter hte hkan kawan hkawm ai lam na chye lu ai. Dik nna
Mka hte Namti lapran ani sha raitim, mawdaw jawn hkrit ai hpe yawng e
mani mayu hpa tai nga malu ai. Sat lawat chyan shana ai re.
     Hpakant na yu hkrat wa ai jinghku langai mi tsun ai hta, August
29 ya na gasat poi, godown kapaw ai hta Min Aung Hlaing a kasha
hpyendu kaba Lt. Col. langai si lawm ai lam tsun pru wa ai.

By: Buga na ni maram dat ai shiga re