De,
Myitrum manang ni, “Kadai Rai” ngu ai laika ka dat ai. Majan shiga gaw n na ai. Taimuh nnan Tun Tun Naung a lam loi mi matsing da ga. Ndai wa hpe shanhte shada grai byin ai ngu, shakawn da ai re da. Maning gasat poi grai lawm yu sai; Tatma 88, Tatmuh re. Dap Ba 3 ni shakrip kau dat hkrum nna, ganoi ma mat tim, Lungzep kawng gasat poi hta shanhte tsun ai,“အေျမာက္နဲ႔ လမ္းရွင္းမယ္၊ အေလာင္းနဲ႔ လမ္းခင္းမယ္” nga ai hte maren, M hpyenla 300 daram asi hkam nna, 10 ya ting gasat yang KIA hpyenla ni marai 2 sha dinggret ai rai tim, M n dang sat wa ai majaw gan yen kau da ai hpe shanhte Padang dip lu sai ngu, arawng grai lu mat ai rai lu ai. Ndai wa she byin sana re ngu, ya Taimhu aya shakap dat ya ai hku re. Shi kaning rai bai myit rawt nna shamu shamawt bang wa na kun? Shanhte shada pyi grai mazut dum ai wa re majaw, “ Hpyen hpe hkum tak kaji” nga ai hte maren sadi maja nga ga. Kyu hpyi madang grau shatsaw dat ga.9.9.2012 hta LZ shamwi kau na ngu nna mung wau nga ma ai da.
Shana ai,
JIC*****
Kadai Rai ?
Kadai wa, share bu nga a ta ?
Kadai wa, kawngkre bu nga a ta?
Kadai wa, masu hkalem bu nga a ta ?
Kadai wa, mazut bu nga a ta?
Kadai wa, mazep bu nga a ta?
Kadai wa, gumrawng bu nga a ta?
Kadai wa, matse bu nga a ta?
Kadai wa, tsadan rai nga a ta?
Kadai wa, lagut damya rai nga a ta?
Kadai wa, jahkrit shama hkawm nga a ta?
Kadai wa, roi rip hkawm nga a ta?
Kadai wa, nat sat zingri hkawm nga a ta?
Kadai wa, lanak grau nga a ta?
Kadai wa, mawlu mawsha bu nga a ta?
Kadai wa, n hkru bu nga a ta?
Kadai wa, myit htum shoi chyum bu nga a ta?
Kadai wa, baw sin bu nga a ta?
Kadai wa, mang hta kyin nga a ta?
Kadai wa, manghkang kaba a ta?
Kadai wa, ga law hkat nga a ta?
Kadai mahtang, shagri brep nga a ta?
Kadai wa, hka tsip tsip nga a ta?
Kadai wa, hkrit gari bu nga a ta ?
Kadai wa, n kam hkam nga a ta?
Kadai wa, myiman kang nga a ta?
Kadai wa, kaya hkrum nga a ta?
Kadai wa, wau si bu nga a ta?
Kadai wa, htuhti bu nga a ta?
Kadai wa, n-yun bu nga a ta?
Kadai wa, asai n-gring a ta?
Kadai wa, lachyum shut nga a ta?
Kadai wa, manya bu nga a ta?
Oh! Ga san latsa tim, n ma na .
Shanglawt Tsing
(6.9.2012,6:00AM)
