Simsa Kasa Shilaika (matut)

Myitrum manang ni, Simsa Kasa Shilaika (matut) sumroi shagun dat ai yaw. Mani Nalungpa lawu e M ni KIA a remote bom katut sha nna nyaw jawng bu ma ai lam na lu ai. M hpyenla ni majan n gasat gwi ai she law mat masai da. Lawu ga de yu mat wa mu ga kyu hpyi ga oi. Hpakant de na gasat poi shiga mung, M ni tsawmra shagri brep re masai. Chyeju shakawn ga i. JIC Read more++++++++++ Simsa Kasa Shilaika (matut) Wunpawngsha ni hte Laili Laika; ; Daw II hku nna tsun mayu ai gaw,” Wunpawngsha ni hte laili laika” ngu ai Ga baw re. Anhte Wunpawngsha ni hte Laili Laika gaw, grai tsan gang hkat ga ai. Masha amyu ni gaw, Laili Laika hte n hka lu ma ai. Shani shagu shat sha ai zawn Laili Laika hpe sharawng shara hti ma ai. Ka shapraw rai nga ma ai. Anhte a Buga Hpung ni hpe maram yu ai shaloi, Komiti law law hpaw da nna, makam masham hpung hpe woi shagreng nga ai raitim, law malawng gaw, “ Laili Laika Komiti” n hpaw da chye ma ai. Laili Laika Komiti n nga ai hpe yu yang, dai Buga Hpung gaw Laili Laika myit n lawm ai tai nga ai. (1) ta dinghku langai a madang hpe chye mayu yang, N shatgawk, namdum hte yup-ra kaw yu ma ai. (2)Amyu langai a madang hpe chye mayu yang, dai amyu a lupding lupwa hpe yu nna chye lu ai. (3)Mungdan Mare, Kahtawng hte Buga langai a madang hpe chye mayu yang, Laika dum nga n nga hpe yu jang, maram lu sai nga ma ai. Buga langai mi gaw Laili Laika Komiti pyi n hpaw da ai re majaw, Laika dum nga na lam n nga sai. Dai majaw, Ramma ni gaw shana shagu shinggan hkan kam ai hku wanglu wanglang gahkrang hkawm nna aten shama chye nga ma ai. Namti, Lambraw-yang e kalang mi Laika ka ai wa woi awn nna, Dictionary Manam Hpang hpe saw shaga nhtawm, Laili Laika hkaw tsun hpawng galaw ga ai. Dai ten hta laika ka wa gaw, Htingnai Ginwang a Magam gun rai nhtawm, Ginwang Num Komiti hte Laili Laika Komiti Hpa-awn lithkam tai nga ai aten re. Namti, Lambraw-yang ngu ai Buga Hpung 2 gaw modo lam sha din ai. Yep sha re ai Buga Hpung kaba yan rai nhtawm, Wunpawng Jinghpaw ni hkrai pri, Hkalup Hpung hkrai pri re ai Buga Hpung yan rai nga ma ai. Shaning shagu ngu na mare kata e ramma ni ga law adup sat hkat nna, manghkang kaba ashapraw nga ma ai re. Dai hkaw tsun hpawng shani, sara kaba Manam Hpang hkaw tsun ngut ai hpang, ga san hte bawng ban ten hta, Laika ka ai wa gaw, Buga Hpung masha kaba Ningbaw Ningla ni hpe shadum jahprang mayu ai myit hte zai de na, Sara kaba hpe ndai Buga Hpung 2 hta byin nga ai manghkang ni tsun dan nhtawm, “ Hpa majaw, Ramma ni hta ndai zawn re ai manghkang ya sha sha byin chye ai rai?” ngu, ga san langai san dat nngai. Shaloi Sara kaba gaw, “ Mare buga kata Laika dum kade nga a ta?” nga she bai nhtang san wa ai. “ Langai mi mung n nga ai” ngu bai htai dat ai shaloi, “ Ramma ni manghkang kaba shabyin jaw jaw re ai mahtai gaw, dai rai sai” nga nna htai ya ai. Nachying teng dik ai mahtai rai nga ai. Jawng n lung mat sai Ramma ni gaw, shana shagu video rung hkan garet hkawm, lam nmaw hkan tsa nang, hkayawm lu rai yan hkawm nna, yup tung lai jang she nta wa yup rai nga ma ai. Shingrai kalang lang Uhpung hte Uhpung ga law adup hkat, numsha ni hpe makawp maga ai nga nna, Myen la ni hpe mung jawm shachyut adup rai chye ma ai. Ya gaw, Buga Hpung kata e shamying shamang laika dum a npawt nhpang rai nga ai; Laili Laika Komiti ni nga wa sai, Rung gawk kata e hti chyai ai laika buk ni tawn da ya sai. Masha amyu ni hte shadawn yang, anhte Wunpawngsha ni gaw laili laika hta grai naw hpang hkrat nga ga ai. ¬ Bai matut na. Shanglawt Tsing (25.9.2012, 1:00AM)