Na tu ai ni na la mu

Myitrum manang ni, “ Na Tu Ai Ni Na La Mu” ngu ai Ga Shagawp shagun dat ai yaw. 10.9.2012 shana de jan du lup gap bun ai myawk 4 lang n – ga ai; law law lang re nga ma ai. 1 gaw, Mungseng-yang na ka-ni dawn dabang makau, Du kaba Nban a “Nga” nawng kaw wa kapaw nna, “Nga” ni law law si mat ai da. Bom 1 gaw, LZ mare shang wa yang na KIA gate nga ai, Lawayang kaw hkrat ai raitim, n kapaw ai; lama kapaw yang gaw n loi ai baw re da. Kaga bom ni gaw gara kaw wa hkrat ai lam mung n na ai. KK gara de gawut shapoi kau ya ai kun? Mauhpa re. Anhte kyu jawm hpyi ai nsen gaw, KK teng teng madat ya nga ai. Dai myawk kalang gap dat ai manu gaw,n- gu buri 100 hte bung ai da. Kade gap kau tim shanhte n lahpawt dum ma ai; majoi hpyi la nna lu ai Kala myawk re majaw le. Anhte kyu grau hpyi yang, KK grau madat ya na re oi. Kyu law law she hpyi shaja ga lu yaw. Shanhte gaw kam ai shaloi me gap bun bun rai nga na ma ai.

                   Shana ai: JIC++++

Na Tu Ai Ni Na La Mu

“ KIA hpe hkum kam,

Kade wa hkam jan lu na?

Kade wa grang dakat lu na?

KIA hpe 3 ya laman,

Shamyit kau sana re” da…………

Ga tsan ai gaw ana,

Nra tsan ai gaw awa;

Tai wa tsun hkalem ga,

Hta la na zawn mi n nga;

Nang Wunpawng ajet rai yang,

Tai a ga, “Na” hta hkum shang;

Annau ni hpe tsun jahten,

Shoi Chyum nga sai Tai hpyen Myen;

“Sum saga ai” n kam tsun,

Simsa lam n kam alun;

Mungkan de gaw ai grak nga,

Kata lam gaw rai mi sa;

Shi kam hpa kaga n nga,

Shabrai sha ai ni chyu sha;

Kam ai hku mi tsun ginlawm,

Nang! ! ! Madu myit hkum shayawm,

Mayam kyang lailen kau da,

Masu hkalem ga chye na;

Kachyi pyi hkum kam shut,

Simsa lam hkum shanut;

Awmdawm Shanglawt hpe chyu sha,

Annau ni azi mada;

Awng P’dang jaw na Yehowa,

N kam shut ga lu yaw ya…………

Shanglawt Tsing

(12.9.2012, 1:00AM)+