Myitrum
manang ni, “Simsa kasa shilaika matut 2 ” hkaw tsun mungga adaw atang hpe
shagun dat ai yaw. Majan shiga gaw, Ba 1,2,3,4,5 shagu gasat poi ni byin nga
ai. Hpakant de ding-yang gasat nga ai. M ni ganaw lung wa tik tik re ai majaw,
hkring mung n mai rai nga ma ai da. Mani a shawng shani, (27.9.2012) Laja Yang
KIA gate makau e M ni a myawk si kaba 1 maihka namkawa wahpang kaw hkrat bun ai
majaw, dai kawa wahpang pyi she malawng mat ai lam na lu ai. Loi tsut ai kaw
rai yang gaw, masha kaw hkra na hku re nga ma ai. 28.9.2012 mani shani tup LZ
de Dawhpum Yang Hkangkaibum na myawk kaba gap bun ma ai. Kanang hkrat ai n
chye. Bai, nbungli langai LZ Ginjaw shara Hpyendap bum e grai tsaw ai kaw na
pyen gawai ai hpe Ginjaw sin hpyenla ni hkap gap dat yang, Miwa ga de pyen mat
wa ai da. Dai majaw, M nbungli rai kun? Miwa nbungli rai kun? N chye tsun ai nga ma ai. Ya yang Miwa
ni a muk sha poi, Pa Ye Shi Wu du wa sai re majaw, LZ gatlawk de shang wa ai
kunrai law dik gaw, Beer sadek htaw
mawdaw ni re ai hpe maram lu ai. I WP ni beer ndum kaw n kadawng bang u ga akyu
hpyi ga lu oi. Bai, mani (28.9.2012) Yangon Tara Rung kaba e, yahte Asuya hpe
majan dawm na, Simsa let n-gun madun ai kaw na Ramma Myenma 4, Jinghpawma 4 hpe
tara jeyang ma ai lam na lu ai. Shanhte lawt wa lu mu ga matu mung akyu hpyi
dum ga lu oi.
JIC
---------------------
