Mungmasa Party

   Myitrum manang ni,  “Mungmasa Party”ngu ai  Ga shagawp shagun dat ai yaw. 21.9.2012 kaw na mani du hkra, Hpakant, Gadaing Taung kaw aging gasat hkat nga ai lam na lu ai. Dap Ba 4 hte Pangwa de mung majan byin nga ding-yang re. Pangwa hte masat shadaw 5 lapran na majan kaw gaw, M si ai hte hkala ai hpawn marai 18 re da. Bai, 21.9.2012 shani Bumsawn Pungding na M post de hpyen n-gun wa jat ai.; M ni ganaw lung wa ai hpe Bumsawn KIA post kaji na ni hkap tau la yang, M ni hkyet de hprawng bang mat ai ten hta, Bumsawn pungding M post na mung myawk kaba gap bun ya, Hkangkai M post kaba kaw na mung myawk kaba gap bun ya re ai wa, Shanhte a M hpyenla ni hprawng bang ai hkyet de myawk si ni hkrat bun nna, nyawp rap rai mat ma ai majaw, hkap tau la ai KIA post kaji ni KK hpe chyeju shakawn ga nga nna, shana wa ma ai. Gaja wa chyeju shakawn ga lu yaw. M ni gaw ganaw lung wa tik tik rai nga ma ai da. Shanhte gaw si na matu lung wa ai ni rai ma ai. Anhte gaw, Awng na matu rawt malan ai ni rai ga ai lu yaw.

Kyu grau hpyi shaja ga lu oi.

                                         JIC

read more+++

Mungmasa Party

Myen wa a shingnip kata,

Shingbyi m’yu ni law law nga;

Majan aten ndai hta,

Mungmasa lam hkan shaja;

Tinang a mungdan buga,

Tinang nan gaw - sharawt la;

Tinang nan woi awn lu na,

Tinang Myusha lam- yan wa;

Dai hku shingran yupmang mu,

Byin tai wa na zawn nawn lu;

N dut n dang wa shadu,

Myen wa gaw ahpyawp masu;

Shaning 60 jan mayam,

Ya du npu taw n ram;

Hkritung Magam myit kata,

Magam sai hkyet wa mahka;

Uhku masa si ala,

Mungm’sa Party hpaw di nga;

Aten jahtum n-gun htum,

Gumhpraw jahtum atsam htum;

Dum shai ra saga ai le,

Mungm’sa Party shang ni e;

Mayam aprat lawt lu na,

Aten hkum j’htum mu yaw ya……

Shanglawt Tsing