Dawn Jan Manu

            Myitrum manang ni, “Dawn Jan Manu” ngu ai Ga shagawp shagun dat ai yaw. 25.9.2012 hta, Hpakant-Tamahkan gasat poi e,M hpyenla marai 200 hkawt si ai nga tsun ma ai. Matut nna lawu ga na M hpyenla 3000 daram hkarangleng hpring hpring lung wa sai lam mung chye lu ai. LZ grup-yin gaw, zim nga ai. Pa Ye Shi Wu shanhte masat da ai nhtoi mung du wa sai. Kyu hpyi ga lu oi. KK gaw annau ni kyu gade hpyi lu ai madang hpe shadawn yu nga na re.

JIC read more+++++++++++++++

 Dawn Jan Manu

Hpan da k’rai lata la ai,

Anhte Wunpawng sha ni rai;

K’ji kadun matsan mayan,

SHI a amyu shatai dan.

SHI a amyu anhte tai,

SHI zawn san seng chyoi pra mai;

SHI grau tsawra matsan dum,

Wenyi amyit masin rum.

I hteng n- gun n ja ai,

Tai ni yu k’ji kau mi ai;

Kahtet m’jan gasat shagu,

SHI lawm nna I dang lu.

Tai masin gaja nsi,

Katsi majan grau shakri;

Kahtet majan dang ninglen,

Katsi majan sum dingren.

Shawnglam Share Ninghkring ni,

Kahtet majan dang hkra kri;

Shingdu de Ramma ayai,

Katsi m’jan hta hkrat sum ai.

K ‘shu k’sha ni e myit dum hprang,

Mayam tai na hkum shanang;

Mayam amyu I n rai,

Hkawseng myu she rai ga ai.

Kaja ai hpe lata la,

Dawn jan manu she dan ra;

N kaja kawn k’ja ai de,

Ngai mung lawm mat sana re.

Daini jang daw dan ra sai,

Aten garawt yang n mai;

Madu Karai Chyoi Pra zawn,

I Wunpawng mung manu tawn.

Katsi majan Kahtet m’jan,

Dang kau ra ai I mungkan;

Gara m’jan mung n mai sum,

Karai amyu re hpe dum.

Hpung Shingkang shadawng ra ai,

I Wunpawng myit hkrum ra sai;

SHI myiman n mai shaka,

Lawt Ra Ga Ai lu yaw ya…….

Shanglawt Tsing

(27.9.2012,12:30AM)