Laksan shi ga

Myitrum manang ni, Hpakant de na laksan shiga shana dat
ai. August htum wa de na majan manghkang byin ngut ai hpang,
kaga majan shiga gaw n na ai. Mawmawbum hpyen-yen dinghku
num marai 5, nta de rai wa nhtang la ai shaloi, M hpyenla ni jawm
roi sat kau ai. Mawwan Kaley hpyen-yen dabang na Tsang shi
awng da sai la kasha 1 hte kaga la kasha 1 hpe mung, nta de rai
wa nhtang la ai lam kaw rim adup sat ai. KIA hpyenla ni post kaw
na manpyawng hte mada mu nga ninglen, kaning n lu di kau ma
ai. Dai hte maren, dinghku la 4 hpe mung rim adup sat kau ma ai
lam ni na lu ai.Nbungli 5 hte bai wa sa da ai M hpyenla ni n-yun bu
mazut hkawm ai re lam chye lu ai.

Bai ,yahte MKA de na, M sitchyaungmhu 2 shada gap si
hkat ai shiga gaw, MKA lawu hkarangleng lam ntsa na Mayan
mare kaw jung da ai myawk dap ni, majanpa de n kam hkan nang
mat ai majaw shada ga law hkat ai shaloi, hpyendu 2 si ai; MKA
kaw wa lup ai hpe tsun ai rai na re lam shiga lu san la sai. Dai
shaloi, mare masha ni gaw, KIA ni sa gap ai she shadu kau ma ai
da. Mungmasha pyi hkala hkrum ai lam mung na lu ai. Bai ,lai wa
sai bat e bom shakap chyalu nbungli rawt hkyen sai da nga ai MKA
de na shiga na lu ai rai tim, shana de kaw na marang htu mat
ai;shana tup nhtoi htoi hkra htu ai majaw grau pyi yup pyaw mat
ga ai ngu , shana shabra dat sai re. Dai shana de teng sha wa
nbungli 6 rawt hkyen nga yang, pilot ni shada, “Masha dachyawk
mi arawng sadang sut su nga mai lam a majaw sha , n kam si
hkam ai” ngu , ga law hkat nna shada gap hkat ai kaw marai 1 si ai
majaw, nbungli n rawt byin mat ai re lam chye lu ai. Dai shani LZ ,
Laisin du hkra masing rai malu ai da. Hpakant shiga naw matut san
hkat nga yang , 11:50 am hta MKA Ph: mahtang kalangta bai di

mat wa ai.

Hpakant de ya she hpyen nnan yen bang wa ai re
majaw , ayak ahkak ru yak jam jau nga ma ai lam na lu ai. Pangwa
de gaw 2 maga shada shamu shamawt ai lam hpe yu azi hkat ma
ai da.

Sammung de na shiga gaw, M hpyenla 4 hpe lagat
gatkung ni jawm kawa sat ai , 3 hpe gaw muq achye sat ai ; 1 hpe
gaw dumsu e myiman kaw she n mai la hkra daru amya da ya ai
lak lai shiga ni na lu ai.M hpyenla ni majoi gap sat sharu kau ya ai;
mungmasha ni a dumsu uloi ni gaw shara shagu na rai yang, mun
lam she rai sai nga ma ai. Maning gaw Sinlum maga de , M
hpyenla 4 hpe sharaw kawa ai ; Bumwa maga de lagat kaba kawa
sat ai shiga ni na lu ai re. M hpyenla ndai ni hpe nam na dusat ni
du hkra , n yu ra nga masai nga nna , masha ni tsun gamung jahta
nga ma ai. KK gaw grau mauhpa namik kumla hpan hkum she naw
madun u ga , matut nna akyu hpyi ga lu oi. Labau mi ashang rai u
ga i.

JIC