Lawt Ra Ai

Myitrum manang ni, “Lawt Ra Ai ” ngu ai Ga shagawp shagun dat ai yaw. Mani majan shiga ni n na kau dat ai. Raitim, MKA e katsi majan grai htat nga ai lam na chye lu ai. Tsi seng shagu, Nanghpam Tsi mawan dut shabra ya nga ma nna, Ka-ni dawn tsi hpe gaw dut na ahkang n jaw ai; pat hkum da ai lam na chye lu ai. Maroi nni ai yaw. Kahtet majan hpe sha majen kau nna, katsi majan hpe n dum shai kau saga ai. Anhte a kashu kasha ni a matu, kyu hpyi dum ga oi.

Myu sha hpe tsawra ai,

JIC

++++++++++++++

Lawt Ra Ai.

Maling htinggram,
Magwi jinglam;
Ninggun ja ai,
Magwi k’ba rai.

Raitim Ka-ni,
Jaw sha shani;
Shinggyim masha,
Mayam sh’tai ya.

Ka-ni nanghpam,
Masha chyabam;
Htauli htaula,
Bawnu kata.

Tai a mayam,
Anyan n nyam;
Masha jahtep,
Tsadan kayep.

Wunpawng myusha,
Myit grai gawngkya;
Myusha Lam yan,
Akrawn akran.

Tai ni dip sha,
Roi rip di nga;
Grai yu kaji,
Masin nsi.

Myu shamyit m’sing,
K’chin hpe shading;
Ka-ni chyang hpraw,
Lawt Ra Ai yaw.

Shanglawt Tsing
(26.9.2012,5:00AM)