“၉ ရက္၊၉လ၊၉နာရီ၊တပ္မ ၉၉”

Myitrum manang ni, “ Shata Shimanga” ngu ai, Latgyi Chang Ying hpe shagrau ai Ga Shagawp gawp shagun dat ai yaw. Mansai, Manmau hkan gawp nga ai Tai ni 8.9.2012 hta rawt shamu na hkyen hkyen rai nga sai ngu ai; Shiga na timung, mani Laban shani zim taw ai. Hpa majaw zim taw ai n chye ai. Lamu marang chyawm 8:00AM kaw na htu taw sai. Tai ni gaw, 9 manga hte shakrip na ngu ai re da. “၉ ရက္၊၉လ၊၉နာရီ၊တပ္မ ၉၉” da. 9:00 AM hta marang kaba htu mat nna, rai sam ai ngu yang mung, 9:00PM hta marang n htu tim, zim taw ma ai. Chyeju shakawn ga. WP sha ni a yubak mara hpe hpyi nem tawngban ga. Awmdawm Shanglawt KK kaw hpyi la ga ngu, lajin dat ai yaw.
++++
Shata Shimanga

Namhpun tai sai.

2012,

Gap hkat dingnawng;

9,September,

Shata shimanga;

Gawmaw Chang Ying,

Latgyi matsing;

Mai malap n rai,

Maroi nni ai;

Daini du hkra,

Hkamjan maka;

Karai lawm ai,

Teng byin nga sai;

Chyeju shakawn ga,

Tsaw ra n ja;

Hpyen -yen shada,

N-gun jaw ga;

Lagawn n mai,

Maja ra ai;

Hkrit ten n da,

Atsam ningja;

Amyu kaji nga,

Sai n kaji ya;

Myen mang hkrai hkrai,

Chang Ying arang,

Myen hti n dang;

Amang garai,

M’joi n tsun chyai;

Shagri brep brep,

Nhtang matep;

Anhte myitru,

Bawnu n pu;

Thein Sein baw sin,

Mungkan grup- yin;

Tai hpyen shatsu,

Lawu ga du;

Sa sa dat ra,

Mandalay du hkra;

Iya labau,

I ka di hkrau; rai kau dat ga le i ya….

Shanglawt Tsing.

(10.9.2012,12:25AM)