Kam hpa let,
JIC
+++++++++++++++++++++++
Simsa Kasa Shilaika
Shawng nnan Karai Kasang a Chyeju hpe shakawn ai.
Daini gaw, “ A” lu ai ninghtoi langai rai nga mali ai. 2011 ning June 9
kaw majan byin mat ai hpang, September praw 3 kaw na Simsa Kasa
Shilaika hpe shapraw dat ai; daini laning mi hpring jan sai re. Daini gaw,
Simsa Kasa Shilaika laning mi ladu hkrum, masat dingsat hpe alak mi
lamang galaw la ai ninghtoi rai sai.
Ndai Simsa Kasa Shilaika byin pru wa ai labau kadun hpe tsun ga nga
yang, maning majan byin ai hte, Myusha lam- yan hta nachying myit lawm
ai; Yangon na, Sr. Nbyen Dan Hkung Awng( Shd. Kareng Awng) gaw, Ginjaw
shara Laiza de Amyusha lam- yan hta daw jau lawm na matu, larau ladau du
lung wa ai. Ngai hku nna, shi hpe Karai Kasang dat ya ai Lamu Kasa langai re
ngu tsun shagrau, matsing masat da mayu nngai.
Shi du ai hte, RANIR ngu kadun ai hku shamying ai; (Relief Action
Network for IDP and Refugee) Jinghpaw hku, “ Hpyen-yen Lakawn Lanawn
Jinghkri” ngu ai; Magam bungli kaba langai hpe wa hpaw hpang dat ai. Dai
kaw bungli lamang kaba law law lawm ai hta, ndai Simsa Kasa Shilaika
galaw shapraw ai bungli mung komiti langai hku lawm nga ai re. Ndai
Shilaika hta, majan a majaw tsin-yam hkrum nga ai hpyen-yen mungmasha
ni a lam hte nsen ni hpe madung da nna shalawm ai hku re. “Majan ten na
ka matsing” ngu mung, mai tsun ai. Htawm hpang de labau tai ngam taw
nga na matu, daini anhte ndai hpe galaw nan jawm galaw ra ga ai re. Ga
shagawp laika 29:18 hta, “Shingran ga n nga yang, mungmasha ni gumlu
gumlang rai ma ai. Tara hkan shatup ai wa chyawm gaw, a nga ai” nga ai
hte maren, daini anhte ndai Shilaika hpe galaw shakut da ai gaw, htawm na
ban, anhte a Amyu Matu Mara Mungmasha( Next Generation) ni gumlu
gumlang n rai ai sha, Tara hpe hkan shatup chye ai ni tai wa na hpe
shingran mu da ai lam rai nga ai.
Ndai Shilaika byin pru wa hkra shang lawm ai ni gaw, hpyen-yen
Mungmasha ni, Shiga hta ai ni, Sumla dem ai ni, Laika ka ai hte Computer
lang ai ni, Shilaika hti masha ni, Laika hpe jep shagrin ai Editors ni rai nga ga
ai.
Ningrai, anhte jawm shakut ai gaw, Karai Kasang a chyeju hte laning
mi jan wa sai. Nnan e jawm bawngban da ai daw de gaw, shata mi hta 2
lang shapraw lu hkra ngu ai re. Gajawa ta tut galaw wa ai shaloi gaw, dut
dang ai lam law law nga ai; “ Woi tin tim hpun lakung n tin ai” nga ai baw
rai mat wa ai. Grai shakut nna she shata mi kalang, shata 2 lapran e kalang
lu shapraw ai hku rai sai. Hti n-gun jaw ai mungmasha ni yawng hte hpyen-
yen mungmasha ni yawng hpe chyeju dum ga ai. Matut nna jawm shakut ga
ngu mung, n-gun jaw mayu ai.
Ndai Simsa Kasa Shilaika hpe majan sim mat nna, Awmdawm
Shanglawt lu ai a hpang e, mare buga ni bai gaw- gap gram sharawt lajang
la ai ten a wora maga du hkra, matut n di shapraw mat wa na ngu, yaw
shada da ai re. Karai Kasang lawm ya rit ga, kyu jawm hpyi shaja ga ngu nna,
lajin laroi let, shawng nnan ndai Simsa Kasa Shilaika hpe shachyen ya ai rai
sai.
¬ Bai matut na.
Shanglawt Tsing
(22.9.2012,1:00AM)
Shawng nnan Karai Kasang a Chyeju hpe shakawn ai.
Daini gaw, “ A” lu ai ninghtoi langai rai nga mali ai. 2011 ning June 9
kaw majan byin mat ai hpang, September praw 3 kaw na Simsa Kasa
Shilaika hpe shapraw dat ai; daini laning mi hpring jan sai re. Daini gaw,
Simsa Kasa Shilaika laning mi ladu hkrum, masat dingsat hpe alak mi
lamang galaw la ai ninghtoi rai sai.
Ndai Simsa Kasa Shilaika byin pru wa ai labau kadun hpe tsun ga nga
yang, maning majan byin ai hte, Myusha lam- yan hta nachying myit lawm
ai; Yangon na, Sr. Nbyen Dan Hkung Awng( Shd. Kareng Awng) gaw, Ginjaw
shara Laiza de Amyusha lam- yan hta daw jau lawm na matu, larau ladau du
lung wa ai. Ngai hku nna, shi hpe Karai Kasang dat ya ai Lamu Kasa langai re
ngu tsun shagrau, matsing masat da mayu nngai.
Shi du ai hte, RANIR ngu kadun ai hku shamying ai; (Relief Action
Network for IDP and Refugee) Jinghpaw hku, “ Hpyen-yen Lakawn Lanawn
Jinghkri” ngu ai; Magam bungli kaba langai hpe wa hpaw hpang dat ai. Dai
kaw bungli lamang kaba law law lawm ai hta, ndai Simsa Kasa Shilaika
galaw shapraw ai bungli mung komiti langai hku lawm nga ai re. Ndai
Shilaika hta, majan a majaw tsin-yam hkrum nga ai hpyen-yen mungmasha
ni a lam hte nsen ni hpe madung da nna shalawm ai hku re. “Majan ten na
ka matsing” ngu mung, mai tsun ai. Htawm hpang de labau tai ngam taw
nga na matu, daini anhte ndai hpe galaw nan jawm galaw ra ga ai re. Ga
shagawp laika 29:18 hta, “Shingran ga n nga yang, mungmasha ni gumlu
gumlang rai ma ai. Tara hkan shatup ai wa chyawm gaw, a nga ai” nga ai
hte maren, daini anhte ndai Shilaika hpe galaw shakut da ai gaw, htawm na
ban, anhte a Amyu Matu Mara Mungmasha( Next Generation) ni gumlu
gumlang n rai ai sha, Tara hpe hkan shatup chye ai ni tai wa na hpe
shingran mu da ai lam rai nga ai.
Ndai Shilaika byin pru wa hkra shang lawm ai ni gaw, hpyen-yen
Mungmasha ni, Shiga hta ai ni, Sumla dem ai ni, Laika ka ai hte Computer
lang ai ni, Shilaika hti masha ni, Laika hpe jep shagrin ai Editors ni rai nga ga
ai.
Ningrai, anhte jawm shakut ai gaw, Karai Kasang a chyeju hte laning
mi jan wa sai. Nnan e jawm bawngban da ai daw de gaw, shata mi hta 2
lang shapraw lu hkra ngu ai re. Gajawa ta tut galaw wa ai shaloi gaw, dut
dang ai lam law law nga ai; “ Woi tin tim hpun lakung n tin ai” nga ai baw
rai mat wa ai. Grai shakut nna she shata mi kalang, shata 2 lapran e kalang
lu shapraw ai hku rai sai. Hti n-gun jaw ai mungmasha ni yawng hte hpyen-
yen mungmasha ni yawng hpe chyeju dum ga ai. Matut nna jawm shakut ga
ngu mung, n-gun jaw mayu ai.
Ndai Simsa Kasa Shilaika hpe majan sim mat nna, Awmdawm
Shanglawt lu ai a hpang e, mare buga ni bai gaw- gap gram sharawt lajang
la ai ten a wora maga du hkra, matut n di shapraw mat wa na ngu, yaw
shada da ai re. Karai Kasang lawm ya rit ga, kyu jawm hpyi shaja ga ngu nna,
lajin laroi let, shawng nnan ndai Simsa Kasa Shilaika hpe shachyen ya ai rai
sai.
¬ Bai matut na.
Shanglawt Tsing
(22.9.2012,1:00AM)
