Mang ying

SADI N DUNG AI MANG YING

Moi lai wa sai aten ni hta anhte Lachit NgawChang Amyu ni Ting Ying ngu Mying ai masha
law law nga ai hta na, Hpaji chye ai, Amyu Myit rawng ai, Kam hpa mai ai masha langai mi re ngu
grai myit mada kam hpa lai wa saga ai, Raitimung 1968 ning kaw nna Mang Ying hpe myit mada
kam hpa na matu n mu mada mat sai.

Hpa majaw nga yang Mang Ying gaw 1968 ning hta tinang she K.I.A kaw na hprawng pru
mat mayu yang hpa nchyoi n chye ai Maru Lashi krung, Htaw Gaw,Lawk Hkawng Ga na hpa mara
n lu ai Mungchying shawa ni hpe zuphpawng shaga nna Amyu shada lachyen lahka Sai garan ginhka
hkaw tsun ai hte maren, Mungchying shawa ni hpe mung a yai a ya di kau da nit dai. hte Myutsaw,
Mungtsaw ai myit rum manaw manang ni hpe nang woi shadam shamat kau nit dai.

Maru Lashi Krung de Amyu shada woi gap hkat si shangun ai mung nang nan rai nga n dai!
Kade nyet kau mayu tim nyet kau lu na n rai nga sai, Tinang a makam masham lam hta mung sadi n
dung, shing gyim masha shada lam hta mung sadi n dung, U hpung U hpawng lam yan hta mung sadi
n dung ai masha gaw Mang Ying nang nan rai nga sai law....

Ya kalang mi bai dingla U gut gu, Lagaw langai mi wawhkran de lahkam tawn nna Tinggyeng
a kyu hpe yu, tinang nga pyaw lam hpe chyu mada, labau n rum ai wa kaw myi man tam, tinangAmyu,
tinang a kashu kasha ni hpe manu n shadan, Myen hpyen hpung ni a shawng si gwi ran shatai shada
gap hkat si shangun nga ai. Pang Wa ginra Ngaw Chang Hkrung masha ni hpe Ka-Ni Nang Hpam
Tsi a myu myu hte gumhpraw jaw nna K.I.A hpe gasat ai hta Myen Hpyen hpung ni a shawng si gwi
ran shatai nga ai, N dai lam gaw tinang maga de na Mungchying shawa hte Ramma ni yawng tsun
nga ma ai.

N dai hta grau ai langai mi gaw, anhte Langwaw, Lachit Amyu sha ni Nu Law jang, Wu law
jang prat chyaloi n hkoi kaw nna dai ni na a ten du hkra, Langwaw,Lachit a myu sha shada lapran
kaw n tsawm n htap lachyen lahka ngu ai lam labau hta n nga yu ai, mu mung n mu yu ai Raitimung
dai ni chyawm e gaw, MANG YING Ze hkung gaw, kade n na shi yang Myitkyina kaw, Waimaw,
Myitkyina hkan na! Lachit salang ni hpe shaga la nna Langwaw, Lachyit shada lapran kaw sum
Brat kaba a dit bang dat sai rai nga ai. shingrai Lachit Langwaw Nu,Wa Hpu nau Ramma ni yawng
Mang Ying ga hpe n madat kapyau na grai a hkyak nga ai, n madat shut na ahkyak ai Maru Lashi
Krung de Myen hte anhte Lachit ni hkrai nga na ngu taw nga ai, jaw ai n jaw ai Langwaw, Lachit Nu
wa ni myit yu ga.

Madu Yesu Hkristu hta Kahkyin gumdin ga ngu ai hte Wunpawng Amyu sha lam hta myit
hkrum kahkyin ga nga yang Mang Ying gaw Htawng Shabra na ladat shaw, Labau N rum ai ni kaw
Myi man chyu tam, sung sung li li nan myit yu ra nit dai yaw..

Mang Ying gaw1964 ning january shata hta N.C.O Wunkat lung ngut ai hte ya a ten shamying
lang nga ai Lat gyi a tsang shagrau hkrum sai rai nga lu ai. Raitimung Nu Wa Wunpawng Amyu sha
ni hte Langwaw Lachit Amyu sha ni yawng, Mang Ying gaw, dai ni Wunpawng Amyu sha ni hte
Langwaw Lachit a myu sha ni a matu gawng malai tai ai Ningbaw a jet rai nga ai kun? n rai nga ai
Kun? gara maga tsap ai masha rai nga ai kun? Sungsung li li myit sawn sum ru yu saga.

Lachit Nu.31/8