Saturday, November 23, 2013

LARU RU WA NA?( Storm Is Coming )

Laru ru na

Tsaw ra ai Wunpawng Myu sha ni e,Myit pyaw myit dik simsa ai ten rai nre ai hpe dum ga ,Laru gaw ya she hpang wa ai re.

Katsi majan Kani nang hpam laru ru sai,
Kahtet Majan Laru ru sai,
Ya mung masa majan  laru ru hpang wa sai,,
matut nna Makam masham Majan laru bai du wa na ra ai,

Kahtet Majan Laru hta an hte wunpawng myu sha ni myit hkrum lam ram ram lu la ai hpe mu lu ai.Ya ngam ai Majan 2 yan a laru hta mung myit hkrum lam ngang kang hkra shakut ra nga ga ai,

Mung masa laru hta gaw baw nu hte shakri hkat ra ai re majaw loi gaw nloi na re hpe dum let ,sadi maja let shakri hkat na hku di ga,Hpa majaw nga yang mung masa laru gaw dam lada nga ai,An hte myu sha ni myit masa,ladat myu myu hta kung kyang chye na hkat  lawan ai lam nnga jang sum prat ginjang shang grai loi nga ai.

Kahtet majan ten hta A side hte B side de kam ai hku shang shalau nmai nga ai,2 maga laknak lang da ai re majaw madin nga ai,Tai hpyen wa kam ai hku nmai sa shalau nga ai.
Dai re majaw myit hkrum lam hte mung masa hta shim lam nga ai.

Mung masa laru hte ngam ai majan 2 hta gaw jarit chying hka nnga,madin kata re majaw law la ai tai hpyen wa gaw kam ai hku mai shang shalau ,sumprat dit bang ya mai nga ai.Ya pyi online ,Ganghkau ntsa hku nna gaw shiga hpan myu myu mawng hpang wa sai.
Ndai majan ni hpe hkam jan manga! kau lu na ma tu an hte myu sha ni tinang a myit masin kri dung let shakut nga ra na ga ai.

---An hte a Awng Padang Yeho wa Karai Kasang---Dum ga lu--Kyu hpyi nga ga lu----