2013 October shata kaw na, Ba 3, Dung 12 Shwegu Ginwang de majan byin nga ai. Lachyum gaw, Miwa ni Myenmung Rahkaing Kyawk Phyu ( Panglai hkakau) du hkra, Wanleng lam waw sa wa na masing hta, Myen Hpyen asuya hpyendap hpe gumhpraw jaw nna, shim lam la shangun ai re. Dai majaw, Myen hpyendap gaw dai Ginwang e KIA hpyenla langai pyi n ganip mat hkra ngu ai masing rai malu ai lam chye lu ai.
Dai majaw, Mungdingpa, Namlimpa hkan na kahtawng ningchyawng mungmasha ni tsin-yam hkrum jam jau nga ma ai lam na lu ai. 17 ya shani kahtawng masha marai 4 hpe mung majoi gap sat kau ma ai shiga na lu ai. Myen ni gaw man 3 hku matep anin gasat ai. N-gun laba hte re. Malu masha hpe nbungli hte jahkrat jaw ai. Dai zawn malu masha jahkrat jaw masu nna, gung lashi pala bom nsa bai jahkrat bun chye ai. Anhte a Share Ninghkring ni grai shakut nga ai lam hte sum machyi nga ma ai lam mung na lu ai. Ndai majan gaw, maning na Laja-yang majan daram kaba ai lam na lu ai. Kyu hpyi ga.
JIC
