အောက်တိုဘာလ ၂၃ ရက်၊ ချင်းမိုင်(မဇ္စျိမ) ။ ။ နိုင်ငံရေးပြဿနာများကို စစ်ရေးနည်းလမ်းဟောင်းများဖြင့် ဖြေရှင်းသွားမည်ဆိုလျှင် ရှမ်းပြည်တိုးတက်ရေး ပါတီ/ ရှမ်းပြည် တပ်မတော် (SSPP/SSA) သို့ တရားဝင်အကြောင်းကြားပေးရန် ညှိနှိုင်းတင်ပြစာ တစ်စောင်အား ပြည်ထောင်စု ငြိမ်းချမ်းရေးဖော်ဆောင်ရေးလုပ်ငန်းကော်မတီ (UPWC) ဥက္ကဌထံ SSPP က အကြောင်းကြားခဲ့သည်။
SSPP ကမူ နိုင်ငံရေးနည်းလမ်းဖြင့် တွေ့ဆုံဆွေးနွေးဖြေရှင်းသွားနိုင်ရန် ဆန္ဒရှိနေပြီး SSPP/SSA ဌာနချုပ်အနီးအထိ ထိုးစစ်ဆင်နေသော တပ်မတော်စစ်ကြောင်းများအား တားဆီးပေးပါရန် ပြည်ထောင်စု ငြိမ်းချမ်းရေးဖော်ဆောင်ရေးလုပ်ငန်း ကော်မတီ (UPWC) ဥက္ကဌ ဒေါက်တာစိုင်းမောက်ခမ်းထံသို့ အောက်တိုဘာ ၂၁ ရက်စွဲဖြင့် စာရေးသားခဲ့သည်။
“သူတို့ကြည့်ရတာ စစ်ရေးနဲ့ဖြေရှင်းမယ်ထင်တယ်။” ဟုSSPP/SSA ၏ ပြောရေးဆုိုခွင့်ရှိသူ ဒုဗုိုလ်မှူးကြီး စိုင်းလက မဇ္စျိမကို ပြောသည်။ စာနှင့်ပတ်သက်၍လည်း UPWC ဘက်မှ အကြောင်းပြန်ကြားခြင်း မရှိသေးကြောင်းလည်း သိရသည်။
ရင်ဆိုင်တိုက်ပွဲ မရှိသော်လည်း အောက်တုိုဘာလ ၂၃ ရက် နံနက် ၈ နာရီမှ ၁၂ နာရီခန့်ထိ SSPP ဝမ်ဟုိုင်းဌာနချုပ်၏ တောင်ဘက် ၆ မိုင်ကျော် အကွာအဝေးရှိ နမ့်ပူးတောင်းကုန်းများသို့ ကျူမောက်ခေါင်တွင် ခြေကုတ်ယူထားသည့် အစိုးရ စစ်တပ်က လက်နက်ကြီးများဖြင့် အကြိမ်ပေါင်း ၃၀ ခန့် ပစ်ခတ်တိုက်ခိုက်ခဲ့သည်ဟု ဒုဗိုလ်မှူးကြီး စိုင်းလက ပြောသည်။
“ဒီနေ့က ကျနော်တုို့ ဝမ်ဟုိုင်းအနီး ခြေကုတ်ယူထားသည့် တပ်စခန်းကနေ ၈ နာရီမှာ မနေ့က တုိုက်ပွဲဖြစ်တဲ့ တောင်ကုန်း တွေကို လက်နက်ကြီးနဲ့ အလုံး ၃၀ လောက် ပစ်ခတ်ခဲ့တယ်။” ဟု ၄င်းက မဇ္စျိမကုို ပြောသည်။
လက်ရှိ SSPP/SSA ဌာနချုပ်အနီးထိ ထုိုးစစ်ဆင်ကို တပ်မတော်ကာကွယ်ရေးဦးစီးချုပ်ရုံး (ကြည်း) မှ ဒုဗုိုလ်ချုပ်ကြီး ရာပြည့် ကုိုယ်တုိုင် ရှေ့တန်းရုံးထုိုင်ပြီး ဦးစီးကွပ်ကဲသောကြောင့် နုိုင်ငံရေးပြဿနာကို စစ်ရေးနည်းလမ်းဟောင်းဖြင့် ဖြေရှင်းရန် ပြန်လည်ဦးတည်နေသည်ဟု မှတ်ယူကြောင်း ၄င်းတုို့ပေးပုို့သော စာတွင် ဖော်ပြထားသည်။
အောက်တုိုဘာလ ၆ ရက်မှစတင်၍ အစုိုးရ တပ်မတော်ဘက်မှ ထုိုးစစ်ဆင်တုိုက်ခဲ့ခဲ့သဖြင့် တုိုက်ပွဲစတင်ဖြစ်ပွားခဲ့ရာမှ အောက်တုိုဘာလ ၁၅ ရက်တွင်မူ SSPP/SSA က 'နှစ်ပေါင်းဆယ်ချီကြာ အခြေပြုလာသည့်' တာဆမ်းပူး ကူးတုို့ဆိပ်ဂွင်နှင့် စုိုးမုိုးတောင်ကုန်းများမှ သဘောထားကြီးစွာ ဆုတ်ခွာပေးခဲ့ပြီးဖြစ်သည်ဟုဆိုသည်။
တုိုက်ပွဲများ ဆက်လက် ဖြစ်ပွားနေသဖြင့် ဒေသခံ စစ်ပြေးဒုက္ခသည် ၃၀၀၀ ကျော် ရှိလာသည့်ပြင် တပ်မတ်ာဘက်မှ စစ်ရှိန်ပုိုမြှင့်လာသဖြင့် စစ်ပြေးဒုက္ခသည်များ ခုိုလှုံနေသော ဝမ်ဆော့ဒုက္ခသည်စခန်းနှင့် ဟိုင်းပါဒုက္ခသည်စခန်းများလည်း ဆက်လက်ရှောင်တိမ်းရမည့် အခြေအနေတွင် ရှိနေသည်ဟု ပြောသည်။
- See more at: http://mizzimaburmese.com/article/6438#sthash.5V3cnoAk.dpuf
