Friday, October 23, 2015

တိုင်းရင်းသားတွေက ထပ်ကွဲဖို့ရှိသလား

တိုင်းရင်းသားတွေက ထပ်ကွဲဖို့ရှိသလား
ရွေးကောက်ပွဲနီးကပ်လာတာနဲ့အမျှ ရွေးကောက်ပွဲကို အာရုံပြောင်းစေဖို့ အစိုးရက တိုင်းရင်းသားပြဿနာကို ရှေ့တန်းတင်ခဲ့ပါတယ်။ အခု (၈)ဖွဲ့က အပစ်ရပ်ခဲ့ပါပြီ။ ဌာနေကိုလည်း ပြန်ရောက်ခဲ့ပါပြီ။ ဒါပေမဲ့ ပြဿနာက အစပဲ ရှိပါသေးတယ်။
(၁) လက်မှတ်ထိုးသွားတဲ့ အဖွဲ့တွေနဲ့ ကျန်နေခဲ့တဲ့အဖွဲ့တွေဟာ အချင်းချင်းဘယ်လိုသဘောထားကြမှာလဲ။
(၂) အစိုးရက တိုင်းရင်းသားတွေ မဟာဗျူဟာမမြောက်ဘဲ ကွဲပြဲခဲ့တာကို စာနာမှာလား၊ အမြတ်ထုတ်မှာလား။
ဒီ(၂)ချက်အရေးကြီးတယ်။ နေပြည်တော်ကနေ ပြန်လာတဲ့ တိုင်းရင်းသားအပစ်ရပ်လက်ကိုင် (၈)ဖွဲ့တို့ဟာ လက်မှတ်မထိုးသေးတဲ့ တိုင်းရင်းသားလက်နက်ကိုင်အဖွဲ့အစည်းများကို ဘာသတင်းစကားကို ပါးကြမလဲ။ နေပြည်တော်က သတင်းကောင်းကို ပါးကြမလား၊ ဒါမှမဟုတ် နေပြည်တော်ခိုင်းသလို ကျန်နေတဲ့ တိုင်းရင်းသားအဖွဲ့အစည်းတွေကို ဖိအားပေးမလား။ ဒီအဖြေပေါ်မှာ မူတည်တယ်။
တကယ်လို့ (၈)ဖွဲ့က ကျန်နေတဲ့ အဖွဲ့အစည်းတွေကို အစိုးရလုပ်သလို တစ်ဖွဲ့ချင်း ကွဲထွက်သွားအောင် လုပ်မယ်ဆိုခဲ့ရင် ဒါကို စည်းတားထားဖို့ လိုပါလိမ့်မယ်။ ဒါဟာ ဒုတိယအကြိမ် မှားယွင်းခြင်းဖြစ်တယ်။ ဒီအချိန်မှာ UNFC နဲ့ အခြားအဖွဲ့အချို့က နေပြည်တော်ပြန် (၈)ဖွဲ့ကို အကဲခတ်နေမဲ့အချိန်လို့ ပြောနိုင်ပါတယ်။ တကယ်လို့ ဒီ(၈)ဖွဲ့ဟာ ယုံကြည်စိတ်ချဖွယ် မရှိတော့ဘူးဆိုခဲ့ရင် ဒါဟာ တိုင်းရင်းသားတွေကြားမှာ အန္တရာယ်ပါပဲ။
RCSS ဥက္ကဋ္ဌ ဗိုလ်ချုပ်ယွက်ဆစ်ကတော့ "အပစ်ရပ်ကို အမြတ်မထုတ်ဖို့" အစိုးရကို ပန်ကြားထားပါတယ်။ အမှန်မှာ ဒီအဖွဲ့ (၈)ဖွဲ့ဟာ အခြားတိုင်းရင်းသားများကို မစောင့်ဘဲ NCA ကို လက်မှတ်ထိုးသွားလို့ NCA ကို အမြတ်ထုတ်သွားပြီလို့ ကျန်နေတဲ့ တိုင်းရင်းသားတွေက သဘောထားကြပါတယ်။ ဘာကြောင့်လဲဆိုတော့ NCA ကို အားလုံးက ညှိညှိနှိုင်းနှိုင်းလုပ်ခဲ့ပြီမှ ကိုယ်မကြိုက်တဲ့အဖွဲ့တွေကို ချန်ထားခဲ့တာ ဖြစ်လို့ပါပဲ။ ဒါဟာ နိုင်ငံရေးလုပ်ကြံမှုကြီး ဖြစ်တယ်။ ဘဝတူတိုင်းရင်းသားများဆိုတဲ့အသိ ပျောက်ကွယ်သွားခြင်းဖြစ်တယ်။
ဒါကို သိလို့လည်း ဒေါ်အောင်ဆန်းစုကြည်၊ ခွန်ထွန်းဦး၊ မင်းကိုနိုင် စတဲ့ အထင်ကရခေါင်းဆောင်တွေဟာ NCA မှာ မပါခဲ့ကြပါ။ အဲ့လို မပါခဲ့လို့လည်း သဘောထားမမှန်တဲ့ အစိုးရက လက်သီးပုန်းတဲ့ သိက္ခာချလျက် ရှိနေပါတယ်။ နေပြည်တော်က ပြန်လာတဲ့ (၈)ဖွဲ့က အစိုးရကိုပဲ အထင်ကြီးပြီး ဘဝတူတိုင်းရင်းသားတွေအပေါ် အထင်အမြင်သေးကာ သူတို့က အစိုးရအလိုကို လုိုက်သလို လိုက်စေဖို့ ကျန်နေတဲ့ တိုင်းရင်းသားတွေကို အစိုးရကိုယ်စား သပ်လျှိုသွးခွဲဖို့ ကြိုးစားလာခဲ့မယ်ဆိုရင် UNFC နဲ့ အခြားအဖွဲ့အစည်းအချို့က ဒါကို အရေးယူဆောင်ရွက်ရမှာ ဖြစ်တယ်။
ဥပမာ-CNF က UNFC ကနေ နုတ်ထွက်ခဲ့မယ်ဆိုရင် CNF အစား ချင်းတပ်မတော်တစ်ခု ဖြစ်ပေါ်လာအောင် စဉ်းစားရမှာ ဖြစ်တယ်။ PNLO က အစိုးရဘက် ပါပြီး ဘဝတူတိုင်းရင်းသားများကို ခွဲခွာသွားခဲ့ရင် အမျိုးသားရေးအမြင်ရှိတဲ့ ပအိုဝ်းအမျိုးသားတွေကို စုစည်းပြီး ပအိုဝ်းလက်နက်ကိုင်အဖွဲ့သစ်တစ်ခုကို ကူညီဖွဲ့စည်းပေးရမှာ ဖြစ်တယ်။ အလားတူ KNU ခေါင်းဆောင်အချို့က ထင်ရာစိုင်းပြီး UNFC ကို ဖိအားပေးလာပါက KNU ခေါင်းဆောင်တစ်ဦးဖြစ်တဲ့ နော်စီဖိုရာစိန်နဲ့ နီးနီးကပ်ကပ် ဆက်ဆံရမှာ ဖြစ်တယ်။ KNU တပ်သားတွေအားလုံး အစိုးရခိုင်းသလို ဖြစ်လာမဲ့အရေးဆိုရင် KNU တစ်စိတ်တစ်ပိုင်းက UNFC မှာ ကျန်နေအောင် လုပ်ဖို့အတွက်ဟာ UNFC အဖွဲ့ရဲ့ pragmatisim ပါပဲ။ အခု လက်မှတ်ထိုးသွားတဲ့အဖွဲ့တွေကလည်း ဒီဝေါဟာရကိုပဲ သုံးသွားကြတာ မဟုတ်လား။ ဒီတော့ တိုင်းရင်းသားတွေရဲ့ အသက်အိုးအိမ်စည်းစိမ်ကို ကာကွယ်ဖို့ FUA ကို အင်အားတိုးမြှင့်ဖို့ စဉ်းစားသင့်ပြီလို့ ပြောချင်တယ်။
ဒီတော့ တိုင်းရင်းသားတွေက နိုင်ငံရေးအရ သွေးကွဲခဲ့ပါပြီ။ ဒါပေမဲ့ စစ်ရေးအရ ကွဲမကွဲဆိုတာ လက်မှတ်ထိုး(၈)ဖွဲ့နဲ့ အစိုးရရဲ့ သဘောထားအပေါ်မှာ မူတည်တယ်။ လက်မှတ်ထိုးပြီး ငြိမ်းချမ်းရေးအလုပ်ကို မလုပ်ဘဲ မလိုလားအပ်တဲ့ အလုပ်တွေကို လုပ်ဆောင်လာပါက ရွေးကောက်ပွဲ ပြီးသွားတာနဲ့ အခြေအနေက တစ်မျိုး ပြောင်းသွားမှာ ဖြစ်တယ်။ အဲ့အချိန်ကျမှ မျက်နှာဖုံးတွေ ကွာကျပြီး ဘယ်သူက ဘာလဲ ပေါ်လာပါလိမ့်မယ်။ ကြောင်က ကြာကြာရေမငုပ်ပါ။