Saturday, October 3, 2015

Mahkrum madup bai n'kahtap u ga. Sorry NLD

Shing Kri

1. Kawa Aung san wa galaw da ai panglung ga sadi Myen = ehnic ahkaw ahkang hpe lu shatup na kun?
2. JWP mungdan a nhprang sutrai hte bawnging lam hte seng nna hparan lu na kun? Crony company ni galaw nga ai lung seng nhkrun hte CPI galaw taw nga ai Myitsone hka madim, Hugawngpa na Yuzana company eka 200000 zing madu sha ai ni hpe jahkring lu na kun?
3. Jwp amyu sha ni hpe shinggyim ahkaw ahkang laja lana roi hkrum taw nga ai, IDPs, myu shayi ni hpe roi sat kau ya ai, mara kata JWP myu sha ni hpe Myen sawa hpyenla ni rim zingri sat kau hkrum ai, ndai ni hpe HUMAN RIGHTS NOBLE PRIZE WINNER Aung San Su Kyi lu hparan na kun?
Ndai gasan kaba 3 gaw JWP amyu sha ni hta ya ten hta ahkyak dik hparan ra ai re.
Dai majaw manam hte nta madu gaw tinang a kun dinghku nta masha hpe kadai grau tsawra myit nga na kun? Pu gang sin machyi na gaw kadai re kun? Daini anhte JPW amyu sha ni lang hte lang prat hku nna jasam wa roi sha hkrum tim myit machyi nchye ai masa de du wa chye ngabai. JP ga malai " SHI GAW ROI AI SHE NNGAI I?NGAI GAW PYAW SHE pYAW" Nga ai ga malai hpe myit dum ga.
Tsun mayu ai gaw Aung San Su Kyi party kaw nna anhte JPW ni hkrum sha taw nga ai tsinyam hte seng nna ga hkum mi mung makawp maga, manghkang hparan na matu ntsun shalawm ai. Lu ma nlu hparan jaw na re. Dai majaw shi mung bahkam nhkam gwi ai re.
JWP amyu sha ni lu ra ai lam gaw tinang a madu mungdaw mungdan hpe
1. Madu lu ai ahkaw ahkang
2. Uphkang hparan lu ai ahkaw ahkang
3.Ahku hkan se ni hpe tinang mungdaw asuya hta lu nna, lu la ai ahkun gumhpraw hpe tinang mungdan hpe hpaji, hkamja lam, sut masa lam bawngring galu kaba wa hkra jai lang lu ai ahkaw ahkang lu ra ai. Shaloi she jet ai rawt kalu kaba bawngring lam hpe lu la na re.
Ndai lam ni hpe ntsun gwi ai, n'gwi tang shawn ai party hpe nmai madi shadaw na re.
Myen party gaw , ndai lam ni hpe lit la gwi n nre. Asan sha re. Myen gaw JPW nre majaw. JPW party gaw JPW a lam hpe jahta hparan na re.