Sunday, June 1, 2014

Jacksonville Jinghpaw Wunpawng Hkalup Hpung ( JKBC-USA )

Jacksonville Jinghpaw Wunpawng Hkalup Hpung masha ni tinang a amyu ga, Hkalup Hpung Hkringhtawng hte aten hpring nawku daw jau lu na matu hte tinang a amyu htunghking hpe sharawt lu na matu, tinang nan madu ai nawku htingnu htingbut htingra Lamu ga mari la lu na hpe myit shingran mu let 

Shaning (10) Ning daram Alu jawm tam, Alu jawm bang mahkawng let Karai Kasang a chyeju San San hte sha kaba Tsawm htap ai nawku htingnu, ma Ni hpe shalat na Hpung jawng sharin gawk ni, Ramma Ni a matu ginra hte hpawn Lamu ga htingra eka 9 jan hpe lai wa sai May 23, 2014 ya shani e kabu gara mari la Lu saga ai. 

Ndai zawn re ai kaba hkik Hkam ai mu Magam hpe anhte n tai n mai sha rai tim yawng akyu Aja awa hpyi let Dai Madu hta kam sham myit hte sha Karai Kasang a shaman chyeju hpe hkam la lu ai re. 

JKBC ngu ai Jacksonville Jinghpaw Wunpawng Hkalup Hpung gaw America Mungdan, Florida Mungdaw, Jacksonville mare e sa du nga shanu nga ai Jinghpaw Wunpawng Hkalup Hpung Masha ni kanu Mungdan na zawn JW Hkalup Hpung shada n ging Hka ai sha Kaji Kawa Ni lakhtat hta na Hkalup Hkringhtawng labau rum ai ni yawng hkra hpe Madu Yesu hta jawm zinlum let JW Hkalup Hpung Hkringhtawng majing hta kahkyin gumdin nga ai JW Hkalup Hpung langai mi re. 

Du nga ai shara Mungdan Lamu ga hta Hkan nna tinang Hkalup Hpung Hkringhtawng a Buga Hpung Awm dawm ahkaw ahkang (Local Church Autonomy) hpring hpring hte Mungkan ting e nga ai Jinghpaw Wunpawng Hkalup Hpung Ginjaw Ni hte matut mahkai let Lata Gindun Sasana (Partnership Mission) hpe dep Lu ai made jawm galaw nga ai JW Hkalup Hpung majing langai mi re. 

Hpung ningnan gaw de hpang ai Kaw nna KTC Nawngnang Chyum Jawng de Grau matut mahkai let Sasana Magam rau sha jawm galaw hpang wa ai hta Maigan de Librarian hpaji shalat ai hta jawng jarit kaang hkup karum ai hte hpang wa Lu saga ai. 

Anhte a Kashu kasha Ni hpe amyu ga n malap ai sha ndai ga na hpaji ni hpe mung hpungjat la nna buga de nga ai saidaw saichyen ni hpe jut shara mi hta sha pyi garan gachyan ai hta jai lang lu u ga matu mung myit shingran mu let shalat nga ai hta, lai wa sai Shaning kaw nna Nawng Nang Chyum Dakkasu Jawng up wa hte matut mahkai let anhte a Kashu kasha ni Shaning shagu dat ya let English Laika sharin ai lam hta sha pyi ap Nawng dawjau lu na matu jawm shakut hpang nga saga ai. 

Lai wa sai Shaning hta grai akyu rawng Awng dang ai majaw dai Ning mung kalang bai anhte a Shayi sha hpe Hpung kaw nna Madi shadaw ai hte bai dat dat ya lu sai. Yawng matut nna akyu jawm hpyi ya nga ga. Matut nna mung kaja wa ta tut Magam bungli Ni awngdang na matu n-gun dat nga ga ai. Akyu hpyi garum nga ai buga de na kanu Kawa ni yawng hpe grai chyeju dum ai lam mung shana dat ga ai. 

Nan hte kanu Kawa ni akyu hpyi ya nga ai majaw anhte hpe Hkalup Hpung Sasana Hkringhtawng sa gin Len ya ai Sasana Sara kaba ni a daidaw Lamu ga e anhte Kashu kasha ni n chye n kaw rai shakut shaja let ayak ahkak amyu myu hpe lai di lu ga ai. 
Buga de matut n di ding yang rai nga na re. 

Karai Kasang chyeju hte JKBC hta hpung masha yawng ma kaji, Ramma, gum gai dingla yawng marai (320) tup kahkyin gumdin nga ga ai. 
KBC Ningtau Ningbaw wa nan anhte kaw sa du let gara hku mi matut yang matut KBC hte matut yang rai sai nga ai hte maren Partnership hku nna Lata gindun matut mahkai nga ai nawku Hpung ding yang rai nga na re.

Hkristu hta,

shana ai

Rev. Lamung Tu Lum
Aten Hpring Hpun Woi
JKBC