Myen Asuya gaw myen mung kata na Rawt Malan hpung ni hpe Gap Hkat Jahkring Ta Masat Ka ngut ai hte rau tinang a rawt malan hpyen dap ni yawng hpe dawm kau ya na matu hte Laknak ni yawng hpe asuya lata de ap kau na matu matsun dat sai lam na chye lu ai, gap hkat jahkring ngut ai hpang myen mung kata kaw hpa rawt malan hpung mung nmai nga sai ngu nna NCCT de tsun shan wa ai lam na chye lu ai.
Ya yang na mung masa gaw gap hkat jahkring dat sai hte mungdan ting simsa mat sai ngu nmai tsun shi nga ai. Dai majaw ndai lam gaw ya yang na dingyang sa wa nga ai myen asuya hte rawt malan hpung ni a simsa lam bawng ban nga ai lam hta laja lana dut dang nga sai re lam na chye lu ai, matut bawng ban na matu mung grai yak nga sai lam na chye lu ai.
Rawt malan hpung malawng maga gaw tinang ra ai mung masa ahkaw ahkang'' hkam daga'' nga ai hpang, ra sharawng ai mung masa pandung du ai hpang she laknak tawn na ngu nna ndau tawn ai re. Ya na zawn myen asuya a hpyi shawn ai lam gaw myen mung kata na rawt malan hpyen dap ni hpe mung hpawm hpyen dap kata de nkam bang la ai masa re hpe asan sha mu mada lu nga ai, dai sha n-ga, rawt malan hpyen dap ni hpe masat masa n-galaw ai, yu kaji hpa nsawn ai hte bung nga ai, myen mung kata rawt malan hpung ni yawng hpe kalang bai ninggam shataw nna gap hkat saw taw nga ai zawn byin nga sai.
By-Myutsaw masa
