ဖြေလျှော့ခြင်းအဆင့်ကို ကျော်လွန်၍ အသွင်ကူးပြောင်းခြင်းအဆင့်ကို ရောက်နေသည်ဟု ဦးဇော်ဌေးက ဘီဘီစီအင်တာဗျူး၌ ပြောသည်။ အသွင်ကူးပြောင်းရေးပြီးစီးလျှင် တပ်မတော်က နောက်ဆုတ်သွားမည်ဟု ပြောသော်လည်း ယင်းအသွင်ကူးပြောင်းရေးလုပ်ငန်း ပြီးမြောက်မည့်အချိန်ကို ပြောကြားခြင်းမရှိပါ၍ ဒီမိုကရေစီအမြစ်တွယ်အောင်နှင့် အသားကျအောင် ဆောင်ရွက်ရန် စိတ်မကူးနိုင်သေးပါ။
အသွင်ကူးပြောင်းရေးကာလ၌ အကောင်းဘက်ကို ဦးတည်စေသလားဟု စိစစ်လျှင် -
၁။ မူစလင်ဆန့်ကျင်ရေးကို အားပေးပြီး မျိုးစောင့်ဥပဒေကို လွှတ်တော်သို့ တင်၍ ဥပဒေပြုရန် တိုက်တွန်းခြင်း၊
၂။ တိုင်းရင်းသားလူမျိုးများကြား၌ စစ်ရေးနှင့်နိုင်ငံရေးအရ ကွာဟချက်များကို ဖန်တီး၍ အခြေအနေ တင်းမာအောင် ဆောင်ရွက်ခြင်း ပြည်တွင်းငြိမ်းချမ်းရေးဆောင်ရွက်ရာတွင် တပ်မတော်၏ အားပေးထောက်ခံမှုကို မရရှိခြင်း၊
၃။ ၂၀၁၄-ခု၊ သန်ခေါင်းစာရင်းကောက်ယူရာ၌ တိုင်းရင်းသားအဖွဲ့အစည်းများနှင့် တိုင်ပင်ဆွေးနွေးခြင်းများ မရှိဘဲ တဖက်သတ် ဆောင်ရွက်ခဲ့ပြီး အချက်အလက်မှားများကို ထည့်သွင်းခြင်း၊ အမြတ်ထုတ်ခြင်း၊ မရိုးသားခြင်း
ဆိုသော အချက်(၃)ချက်ကို တွေ့ရသည်။
ပထမအချက်အရ ရဟန်းရှင်လူပြည်သူတို့က မျက်မြင်ပင် ဖြစ်၍ အထူးရှင်းပြစရာမလိုပါ။ အဓိကရုဏ်းများကို စနစ်တကျ လှုံ့ဆော်ခဲ့ကြပြီး ဗုဒ္ဓဘာသာနှင့်မူစလင်တို့ကြား အမုန်းတရားများ ပွားစေခဲ့သည်။ မြန်မာနိုင်ငံသည် ဒီမိုကရေစီပြုပြင်ပြောင်းရေးအတွက် အမှန်တကယ် ရည်ရွယ်လျှင် ဤအဓိကရုဏ်းမျိုး မလိုလားအပ်ပါ။
ဒုတိယအချက်အရ တိုင်းရင်းသားလူမျိုးများကို ရိုးသားစွာ ဆက်ဆံနေသည်ဟု မထင်ပါ။ UNFC ကို မဖြစ်မနေ ဆက်ဆံနေရသော်လည်း နှစ်မြို့ခြင်းမရှိကြောင်းကို KNU/KNLA ကရင်ငြိမ်းချမ်းရေးကောင်စီ၊ RCSS ရှမ်းပြည်ပြန်လည်ထူထောင်ရေးကောင်စီ၊ UWSA ညီညွတ်သော ဝပြည်နယ်တပ်မတော်တို့နှင့် ဆက်ဆံပုံ၊ မဆလခေတ်တွင်ကဲ့သို့ တိုင်းရင်းသားဒေသများတွင် အစိုးရလက်ကိုင်တုတ် ပြည်သူ့စစ်များကို မွေးထုတ်ခြင်း၊ တိုင်းရင်းသားဒေသများတွင် သယံဇာတများကို ရနိုင်သမျှ ခိုးယူ၍ သတင်းအမှားပေးခြင်း၊ ဖက်ဒရယ်တပ်မတော်ထူထောင်ရန် အသံကျယ်သော တိုင်းရင်းသားတော်လှန်ရေးအဖွဲ့အစည်းများကို ထိုးစစ်အကြီးအကျယ် ဆင်ခြင်းတို့ကို ကြည့်လျှင် သိနိုင်သည်။ ရန်ကုန်ရောက် ဝအဖွဲ့က ဝပြည်နယ်ကို သီးခြားတောင်းဆိုရန် ရှိသည်ဟု ပြောပြီး ဖက်ဒရယ်တပ်မတော်ထူထောင်ရန် အကြံအစည်ကို နှစ်သက်ခြင်းမရှိကြောင်း ပြောဆိုခဲ့သည်။ ရန်ကုန်ရောက် UNFC ဒုအတွင်းရေးမှူး ခွန်ဥက္ကာက တိုင်းရင်းသားလူမျိုးများသာ စုစည်းညီညွတ်မှု ရှိခဲ့ကြလျှင် အပစ်အခတ်ရပ်စဲရေးအဆင့်ကို ကျော်၍ နိုင်ငံရေးဆွေးနွေးပွဲအဆင့်ကို ရောက်နေပြီဟု ဆိုသည်။ ပြည်တွင်းငြိမ်းချမ်းရေးမှာ အဓိကအဟန့်အတား ပြုနေသည့် တပ်မတော်အခြေအနေကို ပြောပြရန် MPC ကိုယ်စားလှယ်တို့ ပျက်ကွက်ကြသည်။
တတိယအချက်ကို ဝေဖန်ကြည့်လျှင် ၂၀၁၄-ခု၊ သန်ခေါင်းစာရင်းကောက်ယူခြင်းသည် ကုလသမဂ္ဂအကူအညီဖြင့် ကောက်ယူခြင်းဖြစ်၍ အပြုသဘောဆောင်ဟန်ရှိသော်လည်း တိုင်းရင်းသားလူမျုိုးများအတွက် ကုဒ်နံပါတ်များကို ထုတ်ပြန်ခြင်း၊ တိုင်းရင်းသားလူမျိုး မျိုးစိတ်များကို စာရင်းပြုစုရာတွင် ဆိုင်ရာတိုင်းရင်းသားလူမျိုးများနှင့် တိုင်ပင်ဆွေးနွေးမှုမရှိခြင်း၊ အစိုးရအုပ်ချုပ်ရေးယန္တရားနှင့် တပ်မတော်သြဇာကို အသုံးချ၍ အမြတ်ထုတ်ခြင်းများကို တွေ့ရမည်ဖြစ်သည်။ အငြင်းပွားဖွယ်ရာအချက်များတွင် ရခိုင်လူမျိုးတို့ လုံးဝလက်မခံသည့် ရိုဟင်ဂျာအမည်ကို ဖော်ပြထားခြင်း၊ မြန်မာမူစလင်ဟု ဖော်ပြခြင်းကို လက်မခံခြင်း အစရှိသည်တို့လည်း ပါဝင်သည်။
၂၀၁၀-ခုနှစ်တွင် ဒေါ်အောင်ဆန်းစုကြည်က ကြားဖြတ်ရွေးကောက်ပွဲ ဝင်စဉ်က မိမိက ဒေါ်အောင်ဆန်းစုကြည်အား အပြင်းအထန် ဝေဖန်ခဲ့ရာ ဆရာတော်အတော်များများက "အမေစုသည် လူထုသက်သာရေးအတွက် စစ်အုပ်စုနှင့် ပူးပေါင်းရခြင်းသာ ဖြစ်သည်"ဟု ခုခံကာကွယ်ခဲ့ကြသည်။ ၂၀၁၄-ခုတွင် အဆိုပါဆရာတော်အချို့သည် မဘသအတွက် ဒေါ်အောင်ဆန်းစုကြည်ကို စတေးသင့်လျှင် စတေးရမည်၊ ဒီမိုကရေစီထက် အမျိုးသားရေးက ပို၍ အရေးကြီးသည်၊ မြန်မာတို့သည် သွေးအေးမနေသင့်ဟု ဆော်အော်နေကြပြီဖြစ်သည်။
ပို၍ သိသာသည်မှာ တိုင်းပြည်ပြဿနာကို ဖြေရှင်းရာ၌ အဓိကထောက်တိုင်များ ဖြစ်ကြသည့် ဒီမိုကရေစီခေါင်းဆောင်များ၊ ဖက်ဒရယ်ခေါင်းဆောင်များကို ပြည်သူတို့နှင့် ရန်ဖက်ပွားအောင် မကွယ်မဝှက် ဆောင်ရွက်ခြင်းဖြစ်သည်။ ဤအပြုအမူသည် အသွင်ကူးပြောင်းရေးအပြုအမူများ မဟုတ်ကြောင်း အထူးပြောစရာမလိုပါ။ ထို့ပြင် သတိထားစရာပိုကောင်းသော အခြားအချက်တစ်ချက်မှာ ပြည်သူတို့ကို လှည့်စားခြင်း၊ အတိုက်အခံများနှင့် တိုင်းရင်းသားများခေါင်းဆောင်များကို ရင်ဆိုင်ရာ၌ အစိုးရ၊ လွှတ်တော်၊ စစ်တပ်၊ ဦးပိုင်၊ ခရိုနီတို့သည် စုစုစည်းစည်းဖြင့် ရှိနေကြခြင်းပင် ဖြစ်သည်။
မြန်မာနိုင်ငံတွင် ဆောင်ရွက်နေသည့် လက်ရှိပြုပြင်ပြောင်းလဲရေးသည် အကောင်းဘက်သို့ ဦးတည်ခြင်းမရှိဘဲ အဆိုးဘက်သို့သာ ရွေ့လျားနေကြောင်း လယ်ပြင်မှာ ဆင်သွားသကဲ့သို့ ထင်ရှားနေပေတော့သည်။
