Kachin Politics and Mediation Research Network
Jinghpaw Mung Masa hte Htingram Sawk Sagawn Hpung
Email: kpmrn21@gmail.com
. Mung masa hte myu sha lam hpe dat kasa tai na
masha hpe ra lata san ai (Vote and elected) galaw ai hkrang.
Ndai
lam hpe Jinghpaw Mung Masa hte Htingram Sawk Sagawn Hpung hku nna mai byin ai
ram email hte mung, hkum tut hkrum zup ai masa hku nna mung sawk sagawn la lu
ai hpe shabra dat lu ai re. Grau hkum tsup ai hku nna mung bai shana shabra wa
na ga ai law. Lawu na hkrang hku sha nrai yang anhte Jinghpaw Wunpawng myu sha
ni a gawng malai tai nna myu sha lam hte mung masa jahta ai lam n-galaw ging ai
nga nna mung mada ai hpaji chye ai nu wa ni a mu mada lam hpe mung tang madun
dat lu ga ai.
Ndai lawu na ra lata masing hpe galaw na lam hta nkau
mi gaw, ndai ladat hpe jai lang yang grai bungli kaba na re nga nna shadu na
re. Hpa ntsang ra ai ya gaw anhte Jinghpaw mung dan kaw Myu sha dawnghkawn hpe
mung jung da sai. Yagon hte Mandalay mare kaba hkan pyi anhte myu sha ni a
dawnghkawn hpe hpai nna wang lu wang lang nga mai mat sai tsaban 21 she rai sai
majaw ntsang ra nga ai. Laika pa langai sha shabra dat u shaloi mung chying
mung shawa masha ni tata san wa na re.
Myu
sha gawng malai tai nna myu sha lam hpe bawng ban ai lit hpe la na ni hpe lawu
na hte maren ra lata poi galaw nna dat kasa shatai lam galaw ra na.
Hpaji
chye ai, mung masa kung ai ni kaw na nlaw htum marai (300) madi shadaw ai rai
ra na
Dakasu
hpaji hpe sharin nga ai jawng ma ni kaw na nlaw htum marai (1,000) kaw na madi
shadaw ai rai ra na
Mung
chying mung shawa hpyen dap kaw nna nlaw
htum marai (20,000)
Mung
chying mung shawa masha hpaji kung ai ni, hpaji madang hpe tsaw hkra sharin ai
lam n-nga tim mung masa ningmu hpe dam lada ai hte tsaw ai ningmu nga ai ni kaw
na nlaw htum marai (30,000)
Lata san ai shaloi nlawm nmai re
ai Wuhpung ni
- Myu shayi hpung
- Ramma hpung
- KBC hte naw ku hpung shagu na ni
- Thai mung dan, Malaysia, Singapore hte Japan mung dan nga Jinghpaw Wunpawng myu sha ni, hpa majaw nga yang ndai mung dan masum gaw Jinghpaw Wunpawng myu sha ni law dik htum nga ai mung dan ngu mai masat masa galaw ai. Bai nna gaga sinna mung dan hkan nga ai ni hpe gaw Email hku nna rai rai Vote galaw shangun ai masing ni hpe lu galaw yang kaja na
- Mung masa hpung ni
- Gaga group ni
