Super A Super

Myitrum manang ni, “ Super A Super” ngu ai Ga Shagawp shagun dat aiyaw. 5.10.2012 shana de nsin sin wa ai ten hta MKA lam, Gangdauyang, Kagambun lagaw pa, Hkamuthka kau de M hpyenla ni marai 200-300 daram shang wa ma nna, gasat poi byin wa ai lam majanpa kawn Ph. hte, “kyuhpyi ya mi” ngu shana wa ma ai shiga, 6.10.2012 shana de na lu ai. Dai M ni gaw, Ja hta hku gayin bang nna, anhte a wan jak sa kashun la na masa nga ma ai da. Gasat nga ai ten hta Gangdauyang M post na myawk kaba mung gap ya ma ai lam na lu ai. Mani gaw dai shiga bai n na kahtap ai. Hpakant- Gwihka maga de gaw, KIA ni M hpyen hpung ni hpe wang da ai 2 ya rai sayang, M ni gara hku mayun pru gale mat wa ai n chye kau dat ma ai da. Grai hkan tam yu tim n mu ma ai majaw, hkyet de shang rawng mat sam ma ai ngu, tak la ma ai lam na lu ai. Bai, Hpakant lam Namya grup-yin e M hte KIA ni shada hkap hkat ma ai shiga a majaw, lungseng mari lung na ni MKA kaw dau taw nga ma ai; ya yang Hpakant e lungseng dut mayu ai ni gaw law, mari ai ni gaw n du lung wa hkraw rai, lungseng manu grai hkyam sa na tai nga ai nga ma ai. LZ to Manmaw lam gaw asan sha re. Raitim anhte LZ ni akyu hpyi n shayawm ga ai zawn, myitrum ni mung n shayawm ga lu oi. Pandung du wa sai. JIC ---------------------------- Super A Super Amerikan, Miwa, Super power; Thein Sein masu, Ulu galu. Mungkan ntsa, She shakawn ra; Super ni pyi, Kaning n di. Thein Sein power, Grau she kaba; Ahpyawp shagu, Apyaw sha lu. M’lizup hkadim, Hkring mi shazim; Shamyit kau na, KIO hpe nga. Masu n dum, Shoi mi she chyum; Mungkan grup hkra, Masu abya. Miwa grai kam, Thein Sein shanyam; Ya du masu, Grai nan nadu. Shanglawt Tsing Myen a akyang, Matse dingyang; Hkalem jahten, Chyahkyawn maren. (8.10.2012,5:00AM)