Thursday, October 25, 2012

Lahpawt Lama

Myitrum manang ni, “ Lahpawt Lama ” ngu ai Ga shagawp gawp dat ai yaw. Daini gaw, Laiza Ginjaw shara, “ Rawt Ninghkawng” gawknu kaw, KIO Party byin wa ai nhtoi 52 ning hpring masat dingsat Mungshawa hkaw tsun hpawng galaw na hkyen lajang da nga ga ai. 11:00 AM hta hpang na re. Laiza mare na Mungshawa masha ni hte Hpyen-yen ni, Magam gun ni, Jawngma ni marai 2000 daram du sa madat hkam la na re lam shana dat ai. Yahte gaw LZ grup-yin majan zim nga ai. Kyu hpyi n malap ga lu yaw. Hpa mi she bai byin wa na kun? N dang chye tsun ai.
-----------------------------
Lahpawt Lama
---------------------------

Myutsaw Brang Hpauwung Tang,

Tsalam sh’dang hpring byin ai nang;

Media a majan pa,

Shawnglam de sha shanang sa;

Shiga kahtet sagawn la,

Internet hte shabra da;

Larau ladau laika ngau,

Shani shana ka n rau;

Ningka mying ni grai makoi,

Sau Ka-mai sha yawng chye loi;

Tai ni hpe grai lu adawt,

Kachin hkra jang nang grai pawt;

Ingalikga Jinghpaw Myen,

Laika ka yang ding-yang hkren;

Sumrai sumroi ga shagawp,

Labau lara mahkra nyawp;

Mahkawn mangwi htuk shamwi,

Senhkum mahkawn ai yu ngwi;

Bawnu nyan mung gaja hpring,

Mungmasa lam gaja ing;

Computer mung grai pakker,

Hpaji prat dep Jinghpaw la;

Makam masham lam mung greng,

Wunpawng ga mung grai she zeng;

Myusha lam- yan myit maju,

Galoi raitim n masu;

Wunpawng myutsaw myit kaba,

Nachying wa lahpawt lama……….

Shanglawt Tsing

(25.10.2012,5:30AM)