Gaw Rai Na Kun

Myitrum manang ni, “ Gaw Rai Na Kun?” ngu ai Ga Shagawp shagun dat ai. 17 ya shana byin ai Mawmau bum de M ni gap bun ai myawk gaw, 120MM re da. 20 lang jan gap bun ai re nga ma ai. Hkala nba si hkrung si htan byin ai Mungmasha ni hte myutsaw hpyenla ni a matu akyu hpyi ga lu yaw. M ndai ni gaw sai hten mat masai ngu maram ai. Maroi nni la nngai oi. Sai hten ai ni hte teng sha n kam kanawn sai.
JIC++++
_______________
Gaw Rai Na Kun?

Dinghku majan,

Simsa gaman;

Shata shis’nit,

Simsa kasit.

Ya bai bawngban,

She na makran;

Bawngban shagu,

Hpyen ni hkan du.

Hkaw hkang grai la,

Luk suk laba;

Simsa Kasa,

Myit htum sai nga.

Oh!

Wunpawng Hkristan,

Bawnu nchyan;

Mai kaja lam,

Galoi mung tam.

Raitimung; Myen hte kanawn,

Pyek mi n ngawn;

Mawlu mawsha,

Hkumbai she pya.

Teng mung n teng,

Hpyen chyu shagreng;

Ndai lang gaw,

Hkum di dam yaw.

Shingdu de na,

Anut kau na;

Myutsaw hpyenla,

Ningtawn ai nga.

Shagrawt ayai,

Bawnu she hpyai;

Myu tsaw ai myit,

N dang shagrit.

Nau nan hpyau sai,

Sawa ndai;

Shinggyim nauna,

Myit n mai da.

Tsaw myit madun,

Hpang de hkum Tsun;

N ging n dan,

N mai sawnhpan.

Tsadan salung,

Ngarai de jung;

Gawt shale na,

Myit daw dan da……………

Ya mung K’ning kun?

Gaw rai na kun?

Bawngban na lam,

Grai she makram.

Bawngban masu,

Shingma daru;

Mungkan shanyam,

Simsa sai lam.

Shanglawt Tsing

(20.10.2012,5:00AM)