Maroi nni ai

Myitrum manang ni, Yawn shawai dani Sau Ka-mai n nga mat ai bat mi tup rai sai.Maroi Nni dik let, Shi hpe ga shagawp bai gawp dat sai. Nachying myit n pyaw ai yaw. M ni a shamu shamawt ai lam gaw hkrit tsang hpa rai nga ai. Mana de jan du wa ten JIC ni nawku ku nga yang( vespers service ten) Dawhpumyang maga de na M ni gap dat ai myawksi kaba langai, Sha-it yang Jawngma hpyendap post makau de hkrat wa ai lam na lu ai. Dai maga de Laiza wanjak kaba nga ai re majaw, dai hpe shading ai lam dan leng nga ai. Akyu hpyi shaja ga lu oi; tsang hpa kaba re.
JIC+++++++
Maroi Nni
----------------------------

Marit shingran la ai goi!
Maroi nni dik ai oi!

Yinam bat ni woi mat wa,
Nshung Sama du di nga;

October shata 19,
Nang hpe mara shagun m’yu;

Laban hpang manga ya,
Nhtoi wa mi gaja ja;

Kalang lata galai shai,
Katsan ga de shadu ai;

Sidu e ……… Kadai shangun ai rai ta?
Tsadan hkawhkam n re hka?

Shi wa mara she kata,
Manu dan dik ai masha;

Shi hpe adawt sat malai,
Ka-niya 10 sat yang mai;

Masha shut nit dai i ya…..
Sau Ka- mai a gam maka;

Shanglawt Tsing grai myit kaji,
Maroi nni gin n di;

Padang Hkrun lam jawm hkawm sa,
Annau ni lahkrip ra ra;

Tai hpe rau rau jawm adawt,
Myusha lam-yan jawm shamawt;

Yehowa Awmdawm jaw na,
Annau ni jawm myit mada;

Shakut shaja nga ding-yang,
N myit mada ai manghkang;

Annau ni hpe jahka kau,
Tai ni kabu she n rau;

Masin nsi dik nngai…….
Maroi nni dik mat sai……

Shanglawt Tsing
(26.10.2012,5:00AM)