Marit shing ran

Myitrum manang ni, “ Marit Shingran” ngu ai Ga shagawp hte sumla ni shagun dat ai yaw. Ndai shata 30-31 hta Shwili kaw M hte bawngban hpawng bai galaw na re nga, M ni a “ Sailen nten shaya, Lagat ntsin abya” ahpyawp ai kaw n kadawng bang u ga; anhte datkasa ni a matu ya kaw na akyu aja awa hpyi shaja ga lu oi. 25.10.2012 Shana de na shiga, M ni Gangdau-yang post kaw na myawk gap bun ai rai nna, 3 lang na kalang mi gaw sha-ityang du mat wa ai re da. Sha-ityang gaw, LZ loi sha lai ai shara re majaw, Shanhte gap dat ai myawksi LZ hpe tawt lai kau da ai masa rai malu ai; nga ma ai.

JIC++++
Marit Shingran Sumla ndai hpe yu,
Maning na shingran mu;
 Shwili zuphpawng sa,
Htingchung hku re ai nga;
Sumla ni shagun jaw,
Ashawng hpe ga baw shaw;
 “Num she raitim n hkrit,
 Myusha lam gaja myit; La hte pyi shingjawng lu,
Maisau pala grai tang du;
 La wangan pyi hprawng swi,
Majan hkrit ai magwi; Shi si jang ga sumpum,
 Masat dingsat n hkrum; Shanglawt Tsing a lupwa,
 Magri sumla kaba; Masat dingsat shadun, Labau lara shalun;
 Htawm na matu kasi, Yu la na jawngma ni;
 Labau maumwi ntsa, Ka matsing da na yaw ya……..” da.

 Oh! Kanau nang wa le……… Kana hpe tsun shagrau, Manihpa jahta kau; Ya gaw nang shawng si, Ashawng maroi nni; Laika ka na masha, Langai ‘hkawng masum sha; Nang zawn hpaji tsip, Myusha ni a shingnip; Kanang sa tam la na? Mat mat nit dai i……ya…… Shanglawt Tsing (27.10.2012,12:10AM)