Shingran N mu

Myitrum manang ni, “ Shingran N mu ” ngu ai Ga shagawp ka shagun dat ai yaw. 11.10.2012, 3:00 AM hta Mawwan gat e gasat poi byin ai da. M 20 jan si mat ai; M baw lapau 2 si lawm mat ai shiga na lu ai. Nepyidaw kaw hpungkyi marai 250 hpe shani shagu hkying hkum 24 nsen n zim (အသံမစဲ) atik anang akyu hpyi shangun nga ma ai da. “ Kachin n ngam hkra shagrawt kau na” ngu ai; ga baw rai malu ai; nga ma ai. Shani shagu, Hpakant lam, Danai lam, Manmaw lam de M hpyen jat shalun  tik tik  rai nga ma ai lam na lu ai. Kyu hpyi n shayawm ga lu oi. M ni law lung wa magang, I hteng akyu law hpyi magang she rai ra na re ngu,

     N-gun jaw ai; JIC

++++++++++++++++++++++++++

Shingran N mu
_________________________
Madu e – Chyeju dum ai,

Tai ni shingran n mu sai;

KIO hpe gara hku,

Dang na shingran n mu lu;

Matse labye myit shapraw,

Miwa hpe she regau saw;

Ladat nnan bai shalat,

M’lizup hkadim hpe shanat;

Hkadim bungli jahkring ai,

KIO shamyit m’sing rai;

Miwa mahtai lahkawng lu,

Hkadim, shwe gas project pru;

Ndai masing awngdang na,

Miwa kaw she madung nga;

Kachin hpyen-yen ni yawng hpe,

Miwa kaw na gawt shale;

Myen hpyendap mung maren sha,

Mare masha gau kau na;

Hyen – yen tsin-yam hkrum ni yawng,

KIO ginra wa mahkawng;

Myen hte Miwa myit hkrum da,

UN, NGO shingdang da;

KIO myit htum myit chyum byin,

Hpyen-yen ni hpe n bau jin;

Kawsi hpanggara si htum,

KIO teng teng asum;

Tai wa myit shingran shachyaw,

I asum hkam na l’dat shaw;

Ta tut mung shadik shatup,

Miwa awng sharawng M’lizup;

I grau kaba laknak lu,

Ya du shanhte n chye mu;

Kyuhpyi laknak kaba rau,

Ninghkap kau- larau ladau…….

Shanglawt Tsing

(13.10.2012,12:20AM)