Goodbye

            Myitrum manang ni, “ Goodbye” ngu ai Sau Ka-mai hpe shagawp ai ga shagawp shagun dat ai yaw. Sau Ka-mai hpe marit let yawn hkyen ai kumla hku nna, Shanglawt Tsing palawng chyang hpe n raw hkra hpun nga ai. Nachying yawn ai hte shani shagu sharung shayawt nga ai; lahpawt ai mung n dang tsun hkra re. Majan shiga pyi n lu sagawn mat sai. Raitim, LZ grup-yin e M shiga kahtet ai nga nna, shawnglam share Ninghkring ni shana shagu ga nhkun kata kaw rawng, shani sha shinggan pru rai, aten tup maja nga ma ai lam na lu ai. Shawnglam Hpa-awn langai tsun ai; ga nhkun kata rawng ai nau na wa ai majaw, hkum ni grai makret machyi wa ai. Raitim amyu hte mungdan a matu re majaw hkam sharang ai. Hkam jan lu na kyu hpyi nga mit nga tsun ai hpe na la lu ai. Kyu hpyi gaw ashaja nga ga yaw.

            JIC

++++++++++++++++++

Goodbye
-------------------------------
Goodbye shakram ai,

Sau Ka-mai hpe hkrai;

Marit shingran mu,

Malap ten n lu.

Nachying manu dan,

Wunpawng shadang nan;

Hpaji Manu wa,

Myu a shadang la.

Ngam nga anhte ni,

Nang zawn n byin shi;

Marai 10 atsam,

Nang chyu sha shanyam.

Daini kaw na gaw,

N mu na sai yaw;

Na a malai wa,

Kanang tam la na?

Na a ta hkang hkrai,

Bungli yawng hkra hprai;

Nang zawn tang du du,

Kadai madu lu?

Bai sa pra rit goi!

Nja dik ai oi!

Goodbye n kam ngu,

Nra myiprwi pru.

Ja lungseng hta grau,

Sak hkrung ten n rau;

Masha she si ai,

Mying n si ndai oi………

Shanglawt Tsing

(24.10.2012AM)