Jinghpaw Kasa a matu laika ka ya nga ai Myitsu Kanu Kawa ni hpang de,
Jinghpaw Kasa kawn chyeju dum ai lam shawng tsun shana mayu ai.
Jinghpaw Kasa hpe laika, ka ngau ni hku nna garum la ya ai majaw grai kabu chyeju dum ai.
Jinghpaw Kasa hpe matut nna mung garum la, hpaji jaw la ya wa na hpe kam hpa ai.
Karai Kasang a shaman chyeju jaw ai Jinghpaw Kasa Website nnan hpe lu la sai.
Dai majaw ya kaw nna gaw Hkawp Myitsu ni ka shagun ai laika, ka ngau ni hpe
Jinghpaw Kasa Blog hta nmara ai sha Jinghpaw Kasa Website de sha mara mat wa nngai.
Jinghpaw Kasa Website hpe Jinghpaw Hku ka ai Shiga, Ka ngau ni hpe sha madung da marat mat wa sana re.
Jinghapw Kasa Blog hpe mung matut lang mat wa nna, dai Blog hta gaw myen hte English hku ka ai ni hpe
madung da mara mat wa na lam shana dat ai.
Hpakant de myen hku ka nna sa ya ai Jinghpaw Mung Shiga ni hpe gaw Jinghpaw Hku bai gale la nna
Jinghpaw Kasa Website kaw mara mat wa na re.
Dai majaw Hkawp Myitsu Kanu Kawa, ni chye lu na matu shana dat n ngai.
Matut nna mung Myu Sha ni a matu akyu rawng ai, Myu Sha ni chye da ging ai, Htunghking, Labau, Ningmu, Shagun Laika hte Laika Ngau ni hpe mung
matut na ka ya na hpe mung Jinghpaw Kasa kawn lajin dat ai.
Jinghpaw Kasa Website hpe gaw gram lajang ra ai lam ni naw nga ai majaw, ntsa de rai shalun shi ai re, du na bat hkan na gaw lu shalun na hpe kam ai.
Jinghpaw Kasa Website hkrang sumla hpe attace file kaw shalawm dat ya ai.
Hkap mada nna ra ai lam kaw hpaji naw jaw la na hpe mung garum hpyi dat nngai.
Yawng a ntsa Karai Wa tut nawng e shaman ya nga u ga,
Chyeju dum let,
Myu Sha lam hta,
Jinghpaw Kasa
