Lahkrip Ra Ra

Myitrum manang ni “ Lahkrip Ra Ra” ngu ai Ga shagawp shagun dat ai yaw. Majan lam hte seng nna, MKA kaw Miwa hte M ni law law lang bawng ban hpawng galaw lai wa masai da. Pa Ye Shi Wu garai n du yang, KIA hpe  atsai awai anut kau, ngu ai ga ndai gaw, mungkan chyam mat sai. Raitim daini du hkra KIA n tsai mat ai gaw KK a Chyeju san san sha re. Anhte byin la nna n rai; KK garum nga ai lam Mungkan ting chye masai. Ya gasat hkat nga ai Dap Ba ni, Pangwa, Hpakant shara shagu anhte sha Padang dip da nga ai re. Nbungli she lung sana nga ai shiga na ai kaw na kyu grai hpyi ga yang, LZ e shani shagu marang htu, lamu mung asin amun rai ya nga ai. Chyeju shakawn akyu hpyi ga lu yaw. Anhte Chyeju shakawn magang KK grau shaman ya na re ngu kam ga oi.
jic

++++
Lahkrip Ra Ra

Majan tsin-yam ndai wa!

Gaden du hkra galu na?

Ningshungta bai du shang wa,

Hpyen-yen matsan mungmasha;

Tau hkrau myit ru n ra ai,

SHI lata da amyu rai;

SHI hta I shingbyi nga yang,

Lam shagu hta SHI yu tsang;

Karai hpe I manoi ga,

Chyum mungga hpe shatup ga;

Nden ja ja magrau grang,

Ru yak tsin-yam gawng hkum tsam;

Tinang hkum hpe hkum shayu,

Tsin-yam yawng hpe hkam jan lu;

Dating daw dan let sa wa,

Awmdawm Shanglawt de du na;

Ung ang ai myit hkum rawng sa,

Annau ni sh’da myit rum ga;

Hkalem hkalau hkum madat,

Wenyi n-gun she hpungjat;

Lahkrip ra ra shawng de sa,

Awmdawm Pandung de du hkra……..

Shanglawt Tsing
++++++++++++++++++

(4.9.2012,12:15AM)