Shadum Jahprang

Myitrum manang ni, “ Shadum Jahprang ” ngu ai Ga shagawp gawp shagun dat ai yaw. Hpakant lam ding-yang hpyen shada yu sin gyam hkat nga ma ai da. M ni loi mi shamu shamawt rai jang, KIA ni gap bun dat dat rai nna, M ni ျငိမ္ဝပ္ပိျပား byin nga ma ai lam na lu ai. Bai, moiya ngam da ai shiga langai, majan garai n byin ai ten hta, Shatapru Ramma ni gaw wanglu wanglang shana shagu ngu na lam ntsa e sengke jawn, M mahkawn marawn hkawn rai, “a” hkawm hkawm arai nga ma ai. Ya ndai majan ten e gaw, W.P Jinghpaw mahkawn marawn hkawn nna, “a” hkawm ma yang, M pyada ni hkan shachyut adup ai sha n-ga, sengke ni hkan kashun la rai ma ai lam na da ga ai. M hpyendap na matsun ai re lam chye lu ai. Kyu hpyi dum na matu, M ni kade mara tam dip rip ai chye lu na matu shana dat ai. JIC+++++ ____________________ Shadum Jahprang _____________________ Hkungga Lara, I Wunpawngsha; Htinggrum kata, Ga gawp hte sha; Hpunau masa, Shadum hprang na; Ngai hpe shading, Ngu hkum matsing; Tsaw ra majaw, Shadum ai yaw……. Myit hta hkap la, Myit malai ra; Karai Mungga, Hkap hta la ya; Chyeju kaba, Ngu na yaw ya….. Goi! Ndai mungga, Tsun n manu nga; Kaya kahpa, Wunpawng shada. Jasam na yang, Sari grai hpyang; Nkau Ningbaw, Ladi sharaw. Nkau Ningla, Ladi kaba; Nkau hpa-awn, N re de awn. Nkau hpyenla, Nanghpam lusha; Nkau hpyen-yen, Hpye amu ren. Kyuhpyi lagawn, Tsadan hte pyawn; Garum ningtum, Amyit yu htum; Jinghku ni wa, Hkyet-rung mat na; Awmdawm ready, Karai Shingni; N ging n dan, N seng n san; N hpru n mai, Sadi ra ai; I ya Karai, San seng chyoi ai; SHI hte bung hkra, I shakut ra; SHI zawn san seng, Awmdawm hte zeng; Hkawseng Amyu, Shatai manu; N san seng yang, Mayam tai ang; Langai hkrai galai, I ya kyang dai; hkra, Awmdawm ging Shakut ga i ya……… Shanglawt Tsing (16.10.2012,1:00AM)