Ahkyak Mahtai

Myitrum manang ni , “Ahkyak Mahtai” ngu ai Ga Shagawp re yaw. Lai wa sai September hta sha, Pangwa jarit hpundung 5 kaw, Shawnglam Hpa-awn Dkb Naw Hpan a hpyenhpung ni, tinang a machyu pala n law n la angaw angam hte sha, M ni hpe hkap gasat manga yang, M Du ni hte hpyenma ni law law hkrat sum ma ai da. Shakre la na aten dep Dkb Sing Hkaw woi awn ai tinang hpyen hpung ni machyu pala aten dep bai wa sa ya lu ma ai majaw, atsawm sha lu gasat anyawp kau nna, awng padang bai dip la lu sai shiga na lu ai. Shara shagu na, M Lagaw Lam Hpyenhpung ni gaw, KIA hpe kaning di n gasat gwi saga ai. Nbungli Dap ni she bai rawt manu ngu ma ai majaw, nbungli n mai lung hkra, KK gaw duhkra ladaw hpe bai hkap lajang kau ya u ga; aja awa akyu bai hpyi ga yaw. M ni gaw, anhte akyu chye hpyi hkra gabaw ni langai hpang langai jaw nga ma ai. Chyeju kaba she ngu ra sai i. JIC Ahkyak Mahtai Tsawra kahpu kanau wa, Ihteng ja ja myit yu na; Ahkyak mahtai hpa rai kun? Ahpyen majan mahtai kun? Atsawm sha she myit yu mai? Ahkyak madung nhpa rai? Majan mahtai tsawm na i? Mungmasa ahkyak madung i? Mayam myit hpe shawng malaw, Kraw kata na htawk shapraw; Atsai awai shaw kabai, Myit hkrum gumdin ahkyak sai; Mungmasa tengman jaw ang, Mahkrun hta hkawm sa shanang; Ahkyak madung mungmasa, Myit dum hprang ga lu yaw ya….. Shanglawt Tsing (2.10.2012, 5:00Am)