Kyu HPyi Htamhtau

                                                                                                                                 JIC

                                                                

                                                Ningbaw gaw Kachin,

                                                UNFC shagrin;

                                                Hti n dang hkrumra zuphpawng,

                                                Chiangmai e law malawng.

                                                                Hkrum hpawng shagu sumtsan mu,

                                                                Yawng myit hkrum sai mahtai lu;

                                                                Bai bra aten masin kawp,

                                                                Htun bang mat ai dai lapawp.

                                                Kangka sadi n dung ai,

                                                Shi bai ahpyawp kau hkraihkrai;

                                                Ajagumhpraw aten ma,

                                                Hpyanghpyang sai wa malala.

                                                                UNFC amyit hkrum,

                                                                Panglai htawk dang kau na dum;

                                                                Tsadan dai hpe nachying hkrit,

                                                                Jahten sharun tingnyang htit.

                                                Hpunau woihkyi shawng myit shut,

                                                Gumdin lam hpe woi ginlut;

                                                Kachin shi hkrai ngam nu ga,

                                                Manang ni hpe woi anya.

                                                                Tsadanwa hpe woi kamhpa,

                                                                Na prauprau hkra zinlum da;

                                                                Kachin hpe jawm adawt na,

                                                                Tai hpe shagang shakang ya.

                                                I kyu hpyi ai ding-yang rai,

                                                Minit sekkant n hprai ai;

                                                Awng Padang wa Hkye Madu,

                                                Nang chyu lit la ya sanu.

                                                                I hpe myiman hkum gayin,

                                                                I hpyi ai ga hkum na jin;

                                                                Shadan shadawng Hpngshingkang,

                                                                Kachin hpe she Nang jai lang............

                                                                                                                                                                Shanglawt Tsing

                                                                                                                         26.5.2014(8:00Am)