Daini na ai Dap Ba 4 na Jahtum shiga
By Mang hang duwa
10 / 5 / 2014 ya shani Dap Ba 4 Dung 2 ni a shara hta, Dung 2 kaw na Myu Tsaw share ninghkring ni hte, Hpunau ni yawng jawm gumhpawn da ai " F . U . A " ni jawm gumhpawn gasat ai gaw, jahpawt hkying 7 kaw nna shana hkying 9 du hkra Dap Ba 4 Mung Ji ga hta shani tup sinat mahku nsen n sim n sa ngoi kadu taw nga ai lam , Dap Ba 4 shawng lam ginra kaw na myu tsaw ni shana wa ma ai. Laja lana gasat gala ai lam shara 3 nga ai.
Shawng nnan, Ta Mung Nye kaw na pru wa ai myen hpyen ni hpe, Pying Lung hte Nam Sa hka lapran kaw hkap gasat ai, Dai hpang Man Je Pa myen dap sa zing ai, dai kaw na myen ni yawng hprawng mat sai, Man Je hpyen Dap mung yawng nat shagrawm kau da ya sai.
Kawng Lim Balawng Kahtawng lawu Namsa Hka lahta kaw shani tup gasat poi byin ai, Myen maga si hkala law ai, Dai hpang shana maga de gaw, Nam Maw Pa ntsa kaw bai gasat hkat ai.
Ya yang Myen ni gaw Mung Ji mare kata kaw hkrai hpyen n-gun 1000 mi jan wa kahkyin taw nga ma ai da, Gumra grai law kaw sinat machyu pala law htaw nga ma ai nga nna Buga masha ni kawn shana wa ma ai. Bai nna shanhte kawn hkyak hkyak shana wa ai lam gaw, Lanam ta mung shang wa re majaw, marang palawng, marang kyepdin hte ready made lusha ni law law grai ra ahkyak taw nga sai , dai majaw galaw kanang ga kaw na Myu hpe tsaw ra ai manaw manang ni yawng hkra lam amyu myu hku nna shang lawm karum la na matu htet shana shangun dat ma ai.
"Kaja wa shang lawm karum na wa hpe sha Ph hte hkring dat jaw na re"
