Tuesday, June 4, 2013

KIO Datkasa Ni Laiza De Bai Du Wa, Sang Lang Hpawng Galaw

*myitkyina de na bai du wa ai KIO dat kasa hpung ni hpe laiza mung shawa hte magam dap makan dap hkan na magam gun ni hkying kaba wu wu di di hkap tau hkalum la ai hte laiza lahta tang jawng Rawt ningshawng gawknu kaba hta mung masha hte dap shawa ni hpe myitkyina zuphpawng a lam sanglang jahpra dan ai hpawng hpe mung galaw la lu sai lam na chye lu ai.dai hpawng hta KIO dingrain salang,simsa lam datkasa hpuawn sara kaba sumlut Gam hte KIA dap Awng daju du kaba sumlut Gun Maw yen hku nna (May28-30-2013)ya laman myitkyina kaw myen asuya datkasa ni hte simsa lam bawngban sa wa ai lam yan ni hpe tsun shapra sanglang dan mat wa ai re lam na chye lu ai,ndai sanglang hpawng hta laiza muklum mung shawa hte dap shawa ni yawng marai(3,000)jan sa du madat ai lam na chye lu ai. laiza de bai nhtang wa ai KIO datkasa ni hpe Myitkyina muklum kata na Ramma tsa kaba mawdaw cycle (200) jan hte Awngmye tit mara du hkra hkan sa dat ai re lam na chye lu ai,myen asuya maga na seng ang ai salang ni,jinghpaw mung hkringmang daju hte salang ni hte rau jinghpaw wunpawng kata na myitsu salang ningbaw ni mung mawdaw (60) ram hte namsan yang du hkra hkan sa dat ai lam na chye lu ai.
 By: myu tsaw kasa,,,,