Kong Hong's photo.
KIA masat (4) dap ba ginra lahta Sam mung KIA dap dung (36, 38) uphkang ginra rai nga ai Loi Lawm, Ying La, Loi Heng ni hta myen asuya dap ni hte KIA dap dung (36) hte (37) na pawng hpawn dap ni laja lana gasat poi byin nga ai lam na chye lu ai. Myen asuya dap ni hku nna tinang KIA dap ni nga ai shara de htim shadut shang wa ai majaw gasat poi byin ai re lam na chye lu ai.
Mani (Jun 16,2013) ya shana maga daw 2:00pm kaw nna 5:30pm daram du hkra lahkawng maga laja lana gasat hkat ai re lam na chye lu ai, majan poi gaw shana ten gan hkring nna dai hpawt (Jun 17, 2013) ya manap (5:00am) ten kaw nna ya shiga mara nga ai ten du hkra matut manoi naw gasat hkat nga ai lam na chye lu ai.
Ya ten majan byin ai shara Loi lawm, Ying Ma, hte Loi Heng hkan na mung mare masha ni gaw Win Seng mare de hprawng yen mat sai lam na chye lu ai, nkau gaw jinghku lu ai rai nna nkau gaw jinghku nnlu shingbyi shara nlu rai grai yak nga ai lam na chye lu ai. Ya na zawn majan a majaw hpyen yen nga ai mung masha ni hpe lakawn la na matu hkyak hkyak garum katum ni ra nga sai lam na chye lu ai.
source.myutsaw kasa
