Karai Kasang gaw anhte Jinghpaw
Wunpawng sha ni a ningbaw
Kachin Alliance for Democracy (KAD)
Kachin Alliance Party for Democracy (KAPD)
Jinghpaw Wunpawng Dimokresi Ginrun
Party
Freedom of expression is more
consensuses
Ndai ten hta
KIO/KIA galaw mai ai bungle ngu mu mada ai lam
KIO/KIA gaw ndai ten hta Mung Chying Sha ni hpe mung masa azin ayang tsun dan gat hkai dan ra ai aten nan rai nga ai,
mung masa hpunla ja ai aten re hte maren KIO/KIA gaw ya yang mung masa rudi langai
rai nga ai. Ndai zawn mung masa kri hte ninggam kaba langai hta grai ahkyak ai mung masa wuhpung langai rai
nga ai a majaw mung mung chying sha ni hpe mung chying zuphpawng kaba woi awn
galaw ai lam, mung masa sheleng dan ai lam hpe n-gun dat nna galaw ra ai aten
ladaw langai rai nga ai.
KIO/KIA a mung masa ning gam kaba
langai hpe shachyaw lu na matu mung masa htinglet kawmiti (justice and
negotiations proxy group) langai hpe
hpaw lu yang kaja na re ngu nna mu mada lu ai. Ndai zawn ningmu hpe tsun dat ai
shaloi ya na masa hta grau tsaw ai hku, grau nna manu ai hku galaw taw nga
chyalu rai sai mi hpa majaw ndai zawn re ning gam hpe bai galaw ra na rai ngu
ai ga san bai nga wa nga ai. Jinghpaw mung hte Jinghpaw wunpawng myu sha ni a
ra sharawng ai lam gaw awm dawm rai nga ai, rai tim mung masa ginsup ai nkau mi
a ningmu hta gaw jet ai federal byin jang gaw rai sai ngu ai ningmu ni mung nga
nga ai. (Self-determination) gaw awm
dawm mung dan hte shing daw yang mung masa lam hta loi mi shai nga ai.
UNFC a masa hpe yu dat ai shaloi,
mung masa hku nna myit yu dat yang ram ram dam lada ai wuhpung langai rai nga
ai, UNFC kaw e anhte KIO/KIA ni gaw woi awn ningbaw masa hku nna jawm hpawng,
lahkrip ra ra hte jawm myit mang re ai masa langai rai nga ai hte maren, anhte
jinghpaw mung kaw nga nga ai mung masa party shing nrai, mung masa hpe galaw
mayu nga ai group ning nan ni hpe rai tim lakawn lanawn rai nna lu galaw ai
hkrang langai hpe shachyaw dat lu yang grau nna dam lada ai mahkrun langai hpe
shabyin lu na re ngu nna kam kaba mu mada nga ga ai.
KIO/KIA a daju salang ni Myen ningbaw
ni hte lata tut hkrum shaga ai lam gaw maga mi hku nna yu ga nga yang kaja dik
ai masa langai re hpe gaw gadai mung tsun na hkrai rai nga ai. Rai sa maga mi
de bai yu dat ai shaloi gaw Myen hte anhte Jinghpaw wunpawng sha ni a masa
kumla nbung ai hpe sawn dum ra nga ga ai. Mung masa shaga na lam rai nga ai hte
maren Jinghpaw mung kaw nga ai mung masa hpung ni yawng shang lawm lu ai
htinglet kawmiti hpaw lu yang grau nna kaja na re ngu mu mada ga ai. Ndai ten
hta KIO/KIA gaw myit dam lada dik hte myit galu dik ai mung masa wuhpung langai
tai na matu grai ahkyak nga ai ngu mu ga ai.
Jinghpaw
Wunpawng Dimokresi Ginrun Party
Ginjaw
Komiti
