DAW HPUM SHADAW

 DAW HPUM SHADAW
Lit shatsam gwi ai the maren, lit la gwi ra ai.lit mung gun gwi galaw gwi ra nga ga ai. annau ni masing kaba the myu sha yawng shawng lam hkrang hpe galaw shachyaw shagrin sa wa nga ai ten madu jung tawn ai dawhpum shadaw hpe grau ngang grin hkra jung tawn ra nga saga ai.
Dai zawn re myu sha yawng a mung masa numshawn hpe madi shangang shadaw sa wa na matu maigan nga myu sha ni a uhpung uhpawng yawng gaw awmdawng shanglawt ai de sa wa na lam a matu n’dau shabra madi dahpran ra ai.maigan ngu ai hta Miwa mung Kala mung nga myu sha ni the mungkan mungdan shagu hta chyambra nga ai ni yawng masa kaba langai de htu ganawng shamawt ra nga ai ngu mu ai.
Myen mung hta rau munghpawm mungdan langai hku tara rapra ai,madu up hkang mungdaw hku sa na matu,mung masa ku hta bawsang myu yawng the rau chyawm bawng shangut sa wa lu na matu annau ni hkrai laksan n’re ai UNFC madang hku bawngban sa wa yang grau kaja grau n’gun nga na re zawn lawu de na lami laman kaba ni hpe mung myen asuya hku n’na hkrang shapraw ningsam madun sa wa lu yang she grau ngang grin ai masa hpe masam maram lu na re.myen a shawng lam mahkam kaba hpe ja ja tau mu kau ra ai.
1-Myen asuya hku n’na simsa lam tara shang shawng n’dau shabra ra ai.
2-Kasu kabrawng hpung ngu ai hpe n’dau shaprai ra ai.
3-Panglung ga sadi hta grau ai hpe mahta ai masa n’dau shabra ra ai.
Dai n’rai yang shaning garawt n’na mahkam hta chya taw na mung masa hpyen masa kayin kaye n’mai hkra diphtu matep ai masa de yawng wa na annau ni grai naw sadi maja ra nga ga ai.myen a n’shawp n’kap ai masa hpe jahtum du yu kau sawn kau ra na re.dai majaw maigan du annau ni masum tim langai de masa ganawt madun hpang wa ra nga sai.KNO kaw na awmdawm n’dau ai lami laman kaba langai de htu ganawng ai masa re jaw madi shadaw ai.
Bai langai mi gaw sumtsan sinna mungdan ni hpe myit mada ai gaw uhku a masa si la gum ngu ai de yawng wa na masa kaba pru nga sai.hpa majaw nga yang sinna dan ni gaw Miwa a mungdan kaba myit jasat the myu kaba hpaga masing kaba,hpyen madu ka-up masa hte n’gun kaba wa nga ai hpe tau hkrit tau hkrau nga ai re jaw myen mung gaw de a matu ahkyak kaba ai mungdan byin nga ai re, hpyen masa hpaji masa hpaga masa kaba the myen hpe shanyi nga sai n’gun dat mayu nga sai re.dai hpe jai lang n’na myen gaw annau ni hpe htawng madun masu n’na man gayin lu yang annau ni matu myit tsang kaba langai de masa kayin wa chye ai.
Dai ni annau ni grau myit hkrum ai the masum tim langai re daw hpum shadaw hpe matut n’gun dat jung shangang ra saga ai.
969 ngu majoi n’mai yu shalai kau ai.3+1 de masa htu gayin wa chye ai.
By: Baren Numraw