လူသားအရင်းအမြစ် စီမံခန့်ခွဲမှု

Duwa Kachin

(အောက်က ဆောင်းပါး အပေါ်မှာ ဒူဝါ အနေနဲ့ ပြန်ထပ်ဖြည့်လိုတာက... မြန်မာပြည်အစိုးရ ရဲ့ နှစ် ၅၀ သက်တမ်း တစ်လျှောက်မှာ အနှိမ့်ဆုံး အဆင့်ကို ထိုးကျခဲ့တာ ဘယ်လို လူတွေ အုပ်ချုပ်ခဲ့လို့လဲ ဆိုတာ အခြေခံကျကျ စဉ်းစားရမယ်။ နိုင်ငံတကာမှာ ဆိုရင် ဘယ် သက္ကသိုလ်ကျောင်းထွက်တွေက ဘယ်လောက်တော်တယ်၊ ဘယ်လောက် နိုင်ငံအတွက် စွမ်းဆောင် နိုင်တယ်၊ တီထွင်ကြံဆမှု ဘယ်လောက်ရှိတယ် ဆိုတာနဲ့ တိုင်းတာပြီး အဲဒီ သက္ကသိုလ်ကျောင်းထွက်တွေကို နေရာပေးတယ်။ မြန်မာ့ နိုင်ငံ့အရေး ကို နှစ်ပေါင်း ၅၀ ကျော် တာဝန်ယူလာတဲ့ အဖွဲ့တွေဟာ ဘယ်ကျောင်းက ထွက်သလဲ ဆိုတာ အရင်းအမြစ်ရှာပြီး အဲဒီ ကျောင်းထွက်တွေကို နေရာ မပေးနဲ့တော့... ရှင်းနေတာပဲ။ သူတို့ တတ်လို့ ဖွံ့ဖြိုးမယ် ဆိုရင် နှစ်ပေါင်း ၅၀ ကျော် ဆိုတာ လုံလောက်ယုံ မကဘူး၊ ပိုတောင် နေပြီ။ အခုထိကို အဲဒီ ကျောင်းထွက်တွေက နေရာကောင်းမှန်သမျှ ကြီးစိုးထားတော့ ဘယ်လိုလုပ် လူမှန်နေရာမှန် ရနိုင်တော့မလဲ... )

===========

လူသားအရင်းအမြစ် စီမံခန့်ခွဲမှု
(Eleven Media Group)

တစ်ချိန်က အရှေ့တောင်အာရှ၏ ဖွံ့ဖြိုးမှုအကောင်းဆုံး နိုင်ငံတစ်နိုင်ငံဖြစ်ခဲ့သည့် မြန်မာနိုင်ငံသည် အာရှကျားနိုင်ငံဖြစ်ရန် အခွင့်အရေး ရှိခဲ့ပြီးမှ အုပ်ချုပ်ပုံ စနစ်အမှားကြောင့် ချွတ်ခြုံကျသွားခဲ့ရသည်။ ပညာရေး၊ ကျန်းမာရေး၊ စီးပွားရေး ကဏ္ဍအမျိုးမျိုးတွင် နှစ်ပေါင်းများစွာ နောက်ကျခဲ့ပြီးနောက် ဓားမနောက်ပိတ် ဖြစ်သွားခဲ့ရသည်။ လူလတ်တန်းစား ပညာတတ် အများစုမှာလည်း ရေကြည်ရာ မြက်နုရှာရင်း ပြည်ပနိုင်ငံများသို့ ဦးနှောက်ယိုစီး ခဲ့ကြသည်။

သမ္မတဦးသိန်းစိန် လက်ထက်၌ မြန်မာနိုင်ငံဖွား ပြည်ပရောက် အတတ်ပညာရှင် အသိပညာရှင်များကို နိုင်ငံတည်ဆောက်ရေးတွင် ပါဝင်နိုင်ရန်အတွက် ဖိတ်ခေါ်မှုတွေကို ဆက်တိုက် ပြုလုပ်ခဲ့ပါသည်။ နိုင်ငံတစ်နိုင်ငံ တည်ဆောက်ရေးအတွက် အရေးပါဆုံး အလွှာသည် အသိပညာ၊ အတတ်ပညာရှင် အများစု ပါဝင်သည့် လူလတ်တန်းစား အလွှာများ ဖြစ်ပါသည်။ ဒီမိုကရေစီ ပြုပြင်ပြောင်းလဲရေး ဆောင်ရွက်နေသည့် မြန်မာနိုင်ငံအတွက်လည်း ထိုကဲ့သို့သော လူလတ်တန်းစား အလွှာများ ပြန်လည်ဝင်ရောက်မှုက အရေးပါသည်ဟု ယူဆသည်။

ပြည်ပရောက်များကို ဖိတ်ခေါ်နေသကဲ့သို့ ပြည်တွင်းမှ အသိပညာရှင် အတတ်ပညာရှင် များကိုလည်း အကျိုးရှိစွာ အသုံးချနိုင်ရန်၊ အရည်အချင်း မြှင့်တင်ပေးနိုင်ရန် လိုအပ်နေသည်။ မြန်မာနိုင်ငံ၏ လက်ရှိ အခြေအနေသည် အသိပညာရှင် အတတ်ပညာရှင်များ လိုအပ်နေသကဲ့သို့ ရှိရင်းစွဲ ပညာရှင်များကိုလည်း အကျိုးရှိစွာ အသုံးချနိုင်မှု Human Resource Management တွင် များစွာ လိုအပ်လျက် ရှိပါသည်။ လူမှန် နေရာမှန် မဟုတ်ဘဲ ဖြစ်ပျက်နေသော ပြဿနာများကို တိုင်းပြည်၏ ကဏ္ဍအသီးသီးတွင် ကြုံတွေ့နေရသည်။

ထို့ကြောင့် ပြည်ပရောက် အသိပညာရှင် အတတ်ပညာရှင်များကို ဖိတ်ခေါ်နေသည့် နည်းတူ ပြည်တွင်းရှိ တတ်သိပညာရှင်များ အကျိုးရှိစွာ အသုံးချခြင်း၊ လူမှန်နေရာမှန် ဖြစ်စေသော လူလတ်တန်းစား ဗဟိုပြု လူသားရင်းမြစ် စီမံခန့်ခွဲမှုများ ပြုလုပ်ခြင်းဖြင့် လူသားရင်းမြစ် တိုးတက်ရေးကို ဦးစားပေး ဆောင်ရွက်ရန် The Daily Eleven သတင်းစာက တိုက်တွန်းရေးသား အပ်ပါသည်။