Myitrum
manang ni, “Dik Wa Sana”
ngu ai myit n-gun lu hpa Ga shagawp ka shagun dat ai yaw. MKA nbungli daru kaw
nbungli dabak da nga ma ai da. Lakmat mari da ai ni mung nbungli n lu jawn rai,
dau taw nga ma ai da. Dai nbungli ni gaw, majan pa na machyi masha htaw lahka
sam ma ai da. Ya ten hta Jinghpaw mung man 8 grup gra hpyen shalun da nga
chyalu rai nga ai majaw, gasat poi ginra tai nga ai hku re nga ma ai. Raitim
anhte a kyu hpyi nsen hpe KK madat ya nga ai lam dan dawng ding-yang re majaw,
chyeju shakawn nga ga oi. Shara shagu M ni grai htu lung wa nga ma ai lam matut
na lu ai.
JIC++++
Dik Wa Sana!
“ Pa Du Lawn” ngu ai dingla,
Nbapa e ningngai nga;
Shi gaw myihtoi langai rai,
Teng ai ga shi tsun chye ai.
Kalang mi na shi tsun ga,
Labya Sam Gam matsing da;
1975, Htawngseng Mangaita (October)
Myihtoi ga hkaw mi tsun ya.
“Jidwi tsun na ka matsing,
Ya kaw na ten hkunning;
Myen hte Shanglawt gap jahkring,
Shingran mu ni ai shaning” da.
; “Dai hpang kade n na yang,
Myen shada aging agang;
Gasat nat hkat adup hkat,
Kadai n dang n sum jat.
Ula lahkawng htawng hkat hpa,
She ba galawp mat sana;
Kadai je tim je n lu,
Kadai sh’zim tim n zim lu; shajang na mara ai” da.
; “Dai hpang Kachin shazim she,
Myen shada majan shakre;
Dai shaloi she Amyen ni ,
Mungmasa n chye sumli.
Anhte n chye up hkang sai,
Nanhte Kachin grai byin ai;
Myenmung nanhte she up hkang,
Zang ayai sai hpe mazang; ngu,ap ya na mara ai”nga tsun ai da e…….
Matsing ;
;1975 October- 1994 February lapran 20.ning du wa sai ten hta, gaja
wa Myen hte Shanglawt gap jahkring sai. Dai hpang kade n na yang, 8.8.88 byin sai.
Daini du hkra, shanhte shada Ula 2 htawng hkat ai zawn byin nga masai. Myihtoi ga dik
wa na ninggam mi sha ra sai. Dik wa u ga, kyu aja awa hpyi ra na ga ai.
Shanglawt Tsing
(7.12.2012,
“ Pa Du Lawn” ngu ai dingla,
Nbapa e ningngai nga;
Shi gaw myihtoi langai rai,
Teng ai ga shi tsun chye ai.
Kalang mi na shi tsun ga,
Labya Sam Gam matsing da;
1975, Htawngseng Mangaita (October)
Myihtoi ga hkaw mi tsun ya.
“Jidwi tsun na ka matsing,
Ya kaw na ten hkunning;
Myen hte Shanglawt gap jahkring,
Shingran mu ni ai shaning” da.
; “Dai hpang kade n na yang,
Myen shada aging agang;
Gasat nat hkat adup hkat,
Kadai n dang n sum jat.
Ula lahkawng htawng hkat hpa,
She ba galawp mat sana;
Kadai je tim je n lu,
Kadai sh’zim tim n zim lu; shajang na mara ai” da.
; “Dai hpang Kachin shazim she,
Myen shada majan shakre;
Dai shaloi she Amyen ni ,
Mungmasa n chye sumli.
Anhte n chye up hkang sai,
Nanhte Kachin grai byin ai;
Myenmung nanhte she up hkang,
Zang ayai sai hpe mazang; ngu,ap ya na mara ai”nga tsun ai da e…….
Matsing ;
;1975 October- 1994 February lapran 20.ning du wa sai ten hta, gaja
wa Myen hte Shanglawt gap jahkring sai. Dai hpang kade n na yang, 8.8.88 byin sai.
Daini du hkra, shanhte shada Ula 2 htawng hkat ai zawn byin nga masai. Myihtoi ga dik
wa na ninggam mi sha ra sai. Dik wa u ga, kyu aja awa hpyi ra na ga ai.
Shanglawt Tsing
(7.12.2012,
