Myitrum manang ni,
Hkristmas ten e wa majoi she kyin ai majaw,
Hkristmas Ga shagawp pyi maning na hpe she loili gram nna shagun dat sai yaw.
Majan shiga mung grai hot bu nga ai; 23/12/2012 (laban) shani gaw MKA lam Mali yang de Helicopter (2) sa nna gap bun ai raitim shanhte a masha ni kaw sha hkra nna marai (30) daram si nhtawm, (50) daram hkala ma ai da, anhte hpang de na zazendu langai ap nawng mat wa sai; mani 24/12/2012 gaw Helicopter (3) bai sa nna n dang hkam hkra gap bun ai. Mali yang wanshadaw hkra ai majaw wan sumri di mat nna MKA de wan n lu mat sai da. Mani anhte kaw na langai bai ap nawng mat wa sai. Ya daini Hkristmas e Helicopter law law hte LZ hpe wa shakrip na nga ai shiga mawng nga ai. LZ kaw n sim n sa akyu hpyi ai (3) ya rai sai. Tsawra ai myitrum manang ni kyu hpyi ai gaw lahpawt lama n rai na re i. Hkristmas aten e Mungkan ting ngwi pyaw nga myit ga.
JIC++++
Kabu Gara Hkristmas Poi
Goi!
Ara-law- aw!
Daini ni wa “A” lu sai,
Laklai Kabu Gara ai;
Mali sumhka ninghtoi kaja,
2012 December;
Daini 25 ya rai,
Mungkan ting a masat tai;
Hkye Madu du sa ninghtoi,
Kabu Gara Hkristmas Poi.
Goi!
Ladu kalang bai hkrum sai,
Maubyin hpe bai myit dum ai;
Namsi langai a marang,
Hkristmas byin wa ai ninghpang;
Daini anhte bai myit dum,
Hkristmas byin wa ai lachyum.
Moi shawng shawng de,
Karai shawng hpan da masha,
Adam,Ewa ngu yan nga;
Nachying ngwi pyaw namsi sun;
Shan yan hpe ningngai shangun;
Sun ka-ang na namsi gaw,
Nan-yan n mai sha ai yaw ;
Sha ai shani si ari,
Kaga sha lu ai namsi.
Goi-yi-i!
Madat mara shan yan wa,
Tsadan a gumlau masa;
Hpanwa Karai hkang da ai,
Edin ritkawp tawt lai sai;
Hkrat sum mat sai dai shani,
Ari hkrum kaning n di;
Hpan Karai wa gau shale,
Edin shinggan nga shakre;
Edin dinghku ari hkrum,
Dagam dala nga jahtum.
Goi!
Shinggyim masha mayat tim,
Hpan Karai hte tsan ti zim;
Yubak ari hta shoichyum,
Htani htana asak sum;
Hpanwa Ningsang myit magang,
Shinggyim masha prat chyalang;
Ngai nan n hkye n mai sai,
Ngaraidi de shang na hkrai;
Hkye la lam masing jahkrat,
Esaia myihtoi shakat.
Goi-yi-i!
Hpan Wa SHI nan hkrang galai,
Hkye wa tai let shangai sai;
Mari,Yosep hpe jai lang,
SHI a Tsaw Myit shadan hpang;
Yesu ngu SHI hpe shamying,
Hkye hkrang la lam SHI mazing.
Oh!
Hkye Madu Yesu Hkistu,
Shinggyim m’sha chyeju Madu;
Sumsing Mungdan hpe kau da,
N shawp dinghta ga du sa;
Kashung saiwan tup shana,
Wushat wakang yihku hta;
Matsan mayan hkam shangai,
Shagrit nem myit madun sai.
Goi-law-aw-ya! SHI hpe hkap la kam sham ni,
Hkye hkrang la hkrum na shingni;
SHI hpe n kam n hkap la,
Ngaraidi de madun da;
Htani htana asak sum,
Ngarai htumpa di jahtum;
Ngarai dikap kap na tai,
SHI hpe n hkap la n mai.
Matsing:
: Hpawtni bai matut na.
Shanglawt Tsing
( 25,12,2012)
Goi!
Ara-law- aw!
Daini ni wa “A” lu sai,
Laklai Kabu Gara ai;
Mali sumhka ninghtoi kaja,
2012 December;
Daini 25 ya rai,
Mungkan ting a masat tai;
Hkye Madu du sa ninghtoi,
Kabu Gara Hkristmas Poi.
Goi!
Ladu kalang bai hkrum sai,
Maubyin hpe bai myit dum ai;
Namsi langai a marang,
Hkristmas byin wa ai ninghpang;
Daini anhte bai myit dum,
Hkristmas byin wa ai lachyum.
Moi shawng shawng de,
Karai shawng hpan da masha,
Adam,Ewa ngu yan nga;
Nachying ngwi pyaw namsi sun;
Shan yan hpe ningngai shangun;
Sun ka-ang na namsi gaw,
Nan-yan n mai sha ai yaw ;
Sha ai shani si ari,
Kaga sha lu ai namsi.
Goi-yi-i!
Madat mara shan yan wa,
Tsadan a gumlau masa;
Hpanwa Karai hkang da ai,
Edin ritkawp tawt lai sai;
Hkrat sum mat sai dai shani,
Ari hkrum kaning n di;
Hpan Karai wa gau shale,
Edin shinggan nga shakre;
Edin dinghku ari hkrum,
Dagam dala nga jahtum.
Goi!
Shinggyim masha mayat tim,
Hpan Karai hte tsan ti zim;
Yubak ari hta shoichyum,
Htani htana asak sum;
Hpanwa Ningsang myit magang,
Shinggyim masha prat chyalang;
Ngai nan n hkye n mai sai,
Ngaraidi de shang na hkrai;
Hkye la lam masing jahkrat,
Esaia myihtoi shakat.
Goi-yi-i!
Hpan Wa SHI nan hkrang galai,
Hkye wa tai let shangai sai;
Mari,Yosep hpe jai lang,
SHI a Tsaw Myit shadan hpang;
Yesu ngu SHI hpe shamying,
Hkye hkrang la lam SHI mazing.
Oh!
Hkye Madu Yesu Hkistu,
Shinggyim m’sha chyeju Madu;
Sumsing Mungdan hpe kau da,
N shawp dinghta ga du sa;
Kashung saiwan tup shana,
Wushat wakang yihku hta;
Matsan mayan hkam shangai,
Shagrit nem myit madun sai.
Goi-law-aw-ya! SHI hpe hkap la kam sham ni,
Hkye hkrang la hkrum na shingni;
SHI hpe n kam n hkap la,
Ngaraidi de madun da;
Htani htana asak sum,
Ngarai htumpa di jahtum;
Ngarai dikap kap na tai,
SHI hpe n hkap la n mai.
Matsing:
: Hpawtni bai matut na.
Shanglawt Tsing
( 25,12,2012)
