Tuesday, December 18, 2012

Shawng Lam De

Myitrum manang ni, “Shawng Lam De” ngu ai Ga shagawp shagun dat ai yaw. Mani mana gaw, LZ makau grup-yin myawk nsen zim nga ai. Manmaw lam de gaw M hpyenla ni  grai bai kaput lung wa ai nga ma ai. Yahte na Lajayang gasat poi hta Myawk hkra ai majaw, nta 2 hkru ai lam na lu ai. Pangwa maga de gaw ding-yang gasat poi byin nga ai da. Yahte Lajayang gasat poi byin na shawng shani, LZ, Manmaw ginhkrang ai sengke hte masha yawng hpe Dawhpumyang kaw hkap jahkring da kau ma ai shaloi,dai mungmasha ni hpe M du wa tsun ai; “Anhte, Kachin hpe gasat ai n re. Mazut nna n hkru n kaja dik ai; Thaung Chyan dabung ni hpe gasat ai she re ngu ma ai da oi; bai hkalem mayu nu ai. Bai, ndai Dec:21 jan de grau sadi maja ra na re nga ma ai. Kyu bai hpyi shaprai kau ga i.
JIC+++++
Shawng Lam De
*****************
Shawng lam de myit dat yu,
Share ni hpe shingran mu;
Kashung lagyi December
Awan mung n mai wut kra;
Myen shiga ni grai kahtet,
Shani shana shat mung kyet;
Kawsi hkrum ai kade lang,
Hpanggara ai lang hte lang;
Kaduk nhkun kata,
Kadai n sa jaw sha;
Lajayang gasat poi,
Shat kawsi ai nhtoi htoi;
Kawsi n kam dinglun,
Mara n kam shagun;
Tai a lapran n mai shawng,
Lusha sa na yak nga dawng!
Laiza Nawku Hpung shagu,
Akyu hpyi ai shingran mu;
Tai ni namhpun she kaput,
Nbungli mawng ai wankut;
Htingbu Miwa she mahka,
Kachin magrau grang ai wa!
Nbungli she n chye hprawng,
Ningmai e nan gap malawng;
Wanhkut hte chyung pyen mat wa,
Ndi nda hkrat sana;
Shang lawm ai Lamu kasa,
Awng Padang dip garum ya;
N ging n dan ai chyeju,
Kyu hpyi shaman majaw lu;
Ningtsing Hkrima ni hkap tau;
Nampan soiru hkap shagrau,
Nutsen ni mung hkap tau la,
Awng Padang hte wa rit yaw ya…..

Shanglawt Tsing
(18.12.2012,1:00AM)