SIDU

Myitrum manang ni, “ Si Du” ngu ai Ga shagawp re. Sau Ka-mai hpe marit ai oi. Shi hpe tsawra ai manang ni yawng mung myit dum marit nga ma dawng ! SS mungdan e Yesu hte rau, ningngai nga nu ga i. Yahte na Lajayang Awng Padang shiga naw matut ga. Majanpa shawng lam de gawan katsan hkawm ai; Rev:Sabaw La Tawng sakse hkam ai re. 8.12.2012 shani M ni gap bun ai myawk kaba 1, kaduk 1 a matu kaw wa hkrat kapaw ayai ai wa, kaduk kata kaw rawng nga ai KIA hpyenla 2 hpa mung n byin ai, Na pyi n lahpang ma ai da e….dai gaw KK.makawp ai nan re; nga tsun ai. Bai, Rev:Gun Seng hte Rev.Sabaw La Tawng, hta makoi mayang dat ai M mang pyi 19 re da. M ni hta lup da ai gaw mang 6 re; dai makau kaw sha lup da ya sai da. Nalung lawu Mansai ngu ai Sam kahtawng hku M machyi masha 8 hpe hpai mat wa ma ai; (ahkyak ai ni rai sam ai)lu hkawm ai machyi masha gaw 40 jan re, 2 gaw Mansai kaw si ngam ta ai hpe mare masha ni hta lup ya masai lam ni dai Sam kahtawng kaw na shiga lu la ga ai. Maram yu yang si ai da, mat mat ai da, machyi masha da yawng hpawn , 100 jan na masa nga ai ;nga ma ai. Hpakant lam Kamaing Pyada dap hpe Du Zumzang woi awn ai ;Mungshawa Hpyenla ni lu zing la nna, Hkyuk Htawng mung hpaw malawng kau ya ai shiga mung na lu ai. KK gaw mauhpa amu galaw nu ai; Chyeju shakawn ga i. Hkristmas ten e Ngwi Pyaw nga myit ga. JIC+++++++++++++++ Si Du “Si Du ! ! ! Nang hpe grai n ju, Careless byin nit dai, Masha shut mat sai. Mara kata, Nye kanau hpe wa ! Katsing galang, Woi la di hprang ; Lawan bai jaw rit, Bunglat hka wa nit.” Shani shagu ngai sumru, Hkying kru shagu myiprwi pru; Kohpi rau myiprwi, Gayau lu galwi. Manu dan nye kanau, Lawan wa mat di grai mau; Myusha bungli grai ngam da, Kadai matut na rai ta? Daini shata hkawng hpring, Shani tup myiprwi ing; Rau nga rau pra ten ni hta, Shada n-gun jaw shaja. Padang Hkrun Lam, Hpa rai shakram; Myitrum Manang Ni Yawng Wa! ! ! Kaning di malap lu na? ? ? ? ? Sau Ka-mai hpe marit let, Shanglawt Tsing (19,12,2012 AM)