Hti Yu Ga Law!!!!!!
American Sanction hte Wunpawng Myusha ni
Ra tim n ra tim, American gaw gumshem zai mazut ai Myen Mungdan hte grau ni htep ai hku kanawn sa wa na masa jahkrat sai re majaw, ndai galai shai wa ai lam ni hpe mada azi yu let, sadi maja let matut shakut sa wa na matu ningmu ni hpe loi li garan kachyan mayu ai. Kaga Hpunau ni gaw hpaw wa na chyinghka ndai hpe lang nna gara hku galaw sa wa na ngu ai hpe hkyen lajang let la taw ai grai na sai.
1. American Sanction a Power
American hte hku hkau ai Mungdan ni law law American a sut masa hkum pat ai lam hpe sadi let yu ai. Ya ten sut bungli galaw ai maigan ni nga taw ai zawn rai tim, American hpe yu nna grai rai nna sut magam n gwi galaw ai lam ni nga ai. Ga shadaw Japan, Korea hte EU ni mung ndai hpe grai yu ai. Dai majaw Myen Mung Atsuya gaw, American Sanction kaw nna lawt mayu ai ngu ai gaw, Kaga mungdan ni law law hte wang lu wang lang hpaga ga mayu ai majaw rai nga ai.
2. Ya na American Sanction hte Myen Mungdan
Ma Kaw Jan wa America du nna American Mungdan Ningbaw Ningla ni hte hkrum shaga, yawng mung grai hkik hkam ai hku hkap tau hkalum la ai hpe mu lu ai. Ndai kaw na matut pru wa ai mahtai ni kaw nna chye lu ai lam n kau mi gaw, American gaw Munghpawm myen mungdan hte grau kanawn sa wa na lam, karum la ai lam ni jaw sa wa na, grau nna gaw Myen Mungdan hpe Sut Masa Pat shingdan da ai kaw nna hpaw dat ya ai lam re. Raitim mara kaba labau lu ai Hpyendap hte Masha Kaba ni hpe gaw sut masa hte America de shang lu na hkumpat da ai lam naw nga ai re.
3. American Sanction Shayawm kau dat ai hte matut byin wa lu ai lam ni
Myen Mungdan hta, Wunpawng Mungdan gaw lu su dik ai mungdaw mungdan re majaw, Arang madu ni myit lawm dik ai mungdaw mungdan mung rai nga ai. American Sanction shayawm kau dat ai majaw Wunpawng myusha ni Sum Machyi ai lam ni nga ai zawn, Amyat mung mai lu wa na re. Ndai ni hpe law law tau myit nna hkyen lajang da ra ga ai.
3.1. Sum Machyi wa lu ai lam
1) Hpyen ai wa gaw American kaw nna karum ai lam hte grau n’gun ja mat wa lu ai.
2) Wunpawng Mungdan kaw chyup sha nga ai Cronies ni mung Sinna mungdan ni hte pawng nna Wunpawng Mungdan de grau gamyet shang wa lu ai.
3) Wunpawng Myusha ni a lamu ga ni grau tat sum wa lu ai.
4) Arang kaba ai ni grau shang wa na re majaw Wunpawng Sutdu ni hte Amyu Wunpawng sha ni gaw shingjut de grau shang mat wa lu ai.
5) Masha hpan hkum grau shang wa na re majaw, Wunpawng ramma ni hpe akyang jahten ya ai lam ni mung nga wa na re.
Grai naw matut myit yu ga!
3.2. Amyat mai lu ai lam ni
1) Anhte a jinghku Maigan myu ni anhte ni htep ai hku grau kanawn wa lu na.
2) Shiga ni grau branglang wa ai majaw, Hpyen wa gaw mi na zawn majoi magoi n mai galaw wa ai. Anhte mung majaw magoi n mai galaw ai.
3) Tarawng tara n nga ai shingra grupyin hpe chyup sha, jahten mat wa ai lam ni mai yawm wa lu ai.
4) Hpyen wa nau n mai mazut mat na.
5) Jinghku maigan myu ni hte hpaga jawm ga wa lu na.
6) Manam ni hte kanawn nna hpaji hparat grau kung wa na.
4. Hkyen lajang da rai ra ai lam ni
Hkyen lajang da chyalu rai ra ai lam ni ngu tsun mayu ai.
1) Shang wa ai manam ni, hpaga hpung ni, atsuya hpe hkang na Mung Masha ni a nsen shapraw lu na shiga matut mahkai lam grai n’gun ja ra ai.
2) Hpyen wa a gumshem mazut ai lam, masu magaw ai lam ni hpe n sharin la ai sha, tsepkawp koi yen kau ra ai.
3) Shang wa ai manam ni hpe madu tai nna, gwi gwi atsawm hkap hkalum, zinlum nna, bungli jawm galaw kau lu ra ai.
4) Bungli kaba galaw ai lam ni hta, masu magaw n lawm ai sha, ding ding man man, tengman ai hte, hkrunggrin ai lam hpe manu shadan nna galaw sa wa ra ai.
5) Maigan ga rai nga ai, Myen, English, Miwa, Japan, Korea ga ni hta shaga ai lam, ka ai lam, matut mahkai ai lam ni grau kung wa ra sai.
6) Internet, Email, ni hpe ladat jaw jaw grau chye lang wa ra sai.
7) Sut hte seng ai hpaji ni; Business Management hte Administration, Accounting, Marketting, ngu ai baw hpaji amyu ni gaw chye da kung nga ra sai.
Hpungdim
Hpa mi rai rai, galai shai wa lam byin wa shagu Amyu Wunpawng sha ni gaw katut taw nga la ai ni (Victims of Change) n re ai sha, galai shai wa ai lam hta amyat lu la ai ni byin hkra hkyen lajang shakut ga ngu tsun let hpungdim dat sai.
Tsawra myit hte,
Sinli Uma
American Sanction hte Wunpawng Myusha ni
Ra tim n ra tim, American gaw gumshem zai mazut ai Myen Mungdan hte grau ni htep ai hku kanawn sa wa na masa jahkrat sai re majaw, ndai galai shai wa ai lam ni hpe mada azi yu let, sadi maja let matut shakut sa wa na matu ningmu ni hpe loi li garan kachyan mayu ai. Kaga Hpunau ni gaw hpaw wa na chyinghka ndai hpe lang nna gara hku galaw sa wa na ngu ai hpe hkyen lajang let la taw ai grai na sai.
1. American Sanction a Power
American hte hku hkau ai Mungdan ni law law American a sut masa hkum pat ai lam hpe sadi let yu ai. Ya ten sut bungli galaw ai maigan ni nga taw ai zawn rai tim, American hpe yu nna grai rai nna sut magam n gwi galaw ai lam ni nga ai. Ga shadaw Japan, Korea hte EU ni mung ndai hpe grai yu ai. Dai majaw Myen Mung Atsuya gaw, American Sanction kaw nna lawt mayu ai ngu ai gaw, Kaga mungdan ni law law hte wang lu wang lang hpaga ga mayu ai majaw rai nga ai.
2. Ya na American Sanction hte Myen Mungdan
Ma Kaw Jan wa America du nna American Mungdan Ningbaw Ningla ni hte hkrum shaga, yawng mung grai hkik hkam ai hku hkap tau hkalum la ai hpe mu lu ai. Ndai kaw na matut pru wa ai mahtai ni kaw nna chye lu ai lam n kau mi gaw, American gaw Munghpawm myen mungdan hte grau kanawn sa wa na lam, karum la ai lam ni jaw sa wa na, grau nna gaw Myen Mungdan hpe Sut Masa Pat shingdan da ai kaw nna hpaw dat ya ai lam re. Raitim mara kaba labau lu ai Hpyendap hte Masha Kaba ni hpe gaw sut masa hte America de shang lu na hkumpat da ai lam naw nga ai re.
3. American Sanction Shayawm kau dat ai hte matut byin wa lu ai lam ni
Myen Mungdan hta, Wunpawng Mungdan gaw lu su dik ai mungdaw mungdan re majaw, Arang madu ni myit lawm dik ai mungdaw mungdan mung rai nga ai. American Sanction shayawm kau dat ai majaw Wunpawng myusha ni Sum Machyi ai lam ni nga ai zawn, Amyat mung mai lu wa na re. Ndai ni hpe law law tau myit nna hkyen lajang da ra ga ai.
3.1. Sum Machyi wa lu ai lam
1) Hpyen ai wa gaw American kaw nna karum ai lam hte grau n’gun ja mat wa lu ai.
2) Wunpawng Mungdan kaw chyup sha nga ai Cronies ni mung Sinna mungdan ni hte pawng nna Wunpawng Mungdan de grau gamyet shang wa lu ai.
3) Wunpawng Myusha ni a lamu ga ni grau tat sum wa lu ai.
4) Arang kaba ai ni grau shang wa na re majaw Wunpawng Sutdu ni hte Amyu Wunpawng sha ni gaw shingjut de grau shang mat wa lu ai.
5) Masha hpan hkum grau shang wa na re majaw, Wunpawng ramma ni hpe akyang jahten ya ai lam ni mung nga wa na re.
Grai naw matut myit yu ga!
3.2. Amyat mai lu ai lam ni
1) Anhte a jinghku Maigan myu ni anhte ni htep ai hku grau kanawn wa lu na.
2) Shiga ni grau branglang wa ai majaw, Hpyen wa gaw mi na zawn majoi magoi n mai galaw wa ai. Anhte mung majaw magoi n mai galaw ai.
3) Tarawng tara n nga ai shingra grupyin hpe chyup sha, jahten mat wa ai lam ni mai yawm wa lu ai.
4) Hpyen wa nau n mai mazut mat na.
5) Jinghku maigan myu ni hte hpaga jawm ga wa lu na.
6) Manam ni hte kanawn nna hpaji hparat grau kung wa na.
4. Hkyen lajang da rai ra ai lam ni
Hkyen lajang da chyalu rai ra ai lam ni ngu tsun mayu ai.
1) Shang wa ai manam ni, hpaga hpung ni, atsuya hpe hkang na Mung Masha ni a nsen shapraw lu na shiga matut mahkai lam grai n’gun ja ra ai.
2) Hpyen wa a gumshem mazut ai lam, masu magaw ai lam ni hpe n sharin la ai sha, tsepkawp koi yen kau ra ai.
3) Shang wa ai manam ni hpe madu tai nna, gwi gwi atsawm hkap hkalum, zinlum nna, bungli jawm galaw kau lu ra ai.
4) Bungli kaba galaw ai lam ni hta, masu magaw n lawm ai sha, ding ding man man, tengman ai hte, hkrunggrin ai lam hpe manu shadan nna galaw sa wa ra ai.
5) Maigan ga rai nga ai, Myen, English, Miwa, Japan, Korea ga ni hta shaga ai lam, ka ai lam, matut mahkai ai lam ni grau kung wa ra sai.
6) Internet, Email, ni hpe ladat jaw jaw grau chye lang wa ra sai.
7) Sut hte seng ai hpaji ni; Business Management hte Administration, Accounting, Marketting, ngu ai baw hpaji amyu ni gaw chye da kung nga ra sai.
Hpungdim
Hpa mi rai rai, galai shai wa lam byin wa shagu Amyu Wunpawng sha ni gaw katut taw nga la ai ni (Victims of Change) n re ai sha, galai shai wa ai lam hta amyat lu la ai ni byin hkra hkyen lajang shakut ga ngu tsun let hpungdim dat sai.
Tsawra myit hte,
Sinli Uma
